Төп игътибар – продукциянең сыйфатына
1 февральдә Архангел АМЙ-да 2013 елның гыйнварында терлекчелектәге эшләргә нәтиҗә ясау буенча хуҗалык җитәкчеләре, зооветбелгечләр һәм авыл җирлекләре башлыклары катнашында киңәшмә булып үтте. Киңәшмәне муниципаль район башлыгы Вячеслав Козлов үткәрде.
Киңәшмә башланыр алдыннан җыелучылар "Архангельское" КФХ" ҖЧҖ-нең тудыру бүлеген һәм сыерлар абзарын карап әйләнделәр. Терлекчелек тармагы монда тотрыклы табыш бирә, көн саен 4 тоннадан артык сөт сатыла (майлылыгы 4%тан артык). Бөртек фуражына ферментлар өстәп тулы кыйммәтле ашату оештырылган, солы салатландырыла, киртә абзарларда салам эскертләре байтак, сыерлар да чиста, тиешенчә каралган. Болар хакында баш зоотехник Алексей Кучинский сөйләде.
Аннан соң сүз җирле МЙ-да дәвам итте. Гыйнвардагы эш нәтиҗәләренә анализ белән район авыл хуҗалыгы идарәсе начальнигы Сергей Баранов чыгыш ясады.
МЭТ-нең баш саны - 15559 (шул исәптә сыерлар 5546 баш), артым бер айга 214 баш тәшкил иткән. Әлеге планда "Татарстан" һәм "Кулон" а/ф, "Савельев А.А.", "Вәлиев Ф.Р." һәм "Архангельское" КФХ-лар яхшы эшләгәннәр.
Дуңгызларның баш саны да арткан һәм 1105 баш тәшкил итә. "Зубов В.С." һәм "Суворов А.С." КФХ-ларда күрсәткечләр яхшы.
Сарыкларның баш саны район буенча 5305 баш тәшкил итә, шуның 90%тан артыграгы ике КФХ-да - "Козлова М.И." һәм "Архангельское" да, "Скоков Н.А.", "Кадыйров И.К.", "Киселева Н.А." КФХ-ларда да сарыклар үрчетә башлаганнар. Бер айда 1700 тонна сөт җитештерелгән, бу 2012 ел дәрәҗәсеннән аз гына күбрәк. "Татарстан" а/ф-да начаррак эшлиләр, ә менә "Козлова М.И.", "Вәлиев Ф.Р.", "Архангельское", "Савельев А.А.", "Нурхамәтов З.М." КФХ-ларда савым яхшы. Аена бер сыердан уртача савып алынган сөт 334 килограмм тәшкил итә. "Зубов В.С." (418), "Архангельское" (395) һәм "Козлова М.И." (393 кг) КФХ-ларда савым югары. Шул ук вакытта "Әхмәтвәлиева Г.Г." КФХ да - 140 кг, "Татарстан" а/ф-да -219, "Скоков Н.А." КФХ да - 252 кг.
Чыгыш ясаучы билгеләп үткәнчә, сөт саву технологиясен үтәмәү сәбәпле 40%ка якын сөт югала.
Иң югары уртача тәүлеклек артым (МЭТ), "Садыйков М.Х." КФХ да - 750 грамм, "Зубов В.С." КФХ да - 703, "Татарстан" а/ф-да - 658, "Кулон" а/ф-да - 660 грамм. Иң түбәне "Нурхамәтов З.М." КФХ-да - 442 грамм, ә район буенча - 655 грамм.
Дуңгызлар арасында иң яхшы уртача тәүлеклек артым "Савельев А.А." һәм "Порецкий С.Н." КФХ-ларда - 440 грамм, ә "Хорьков А.А." һәм "Садыйков М.Х." КФХ-ларда - 320-350 грамм тәшкил итә.
Гыйнварда 626 баш бозау һәм барлыгы 60 баш дуңгыз баласы алынган.
Сатыла торган терлекләрнең уртача тапшыру авырлыгы төрле: әгәр "Козлова М.И.", "Нурхамәтов З.М.", "Анисимов О.А.", "Вәлиев Ф.Р." КФХ-ларда һәм "Татарстан" а/ф-да авырлыклары 430-510 килограммнан да кимрәк булмаган терлекләр сатсалар, "Скоков Н.А.", "Садыйков М.Х." КФХ-да һәм "Кулон" а/ф-да әлеге авырлык нибары 130-200 килограмм гына тәшкил итә.
Гыйнвар ае өчен терлекчелектәге икътисадый күрсәткечләр белән район авыл хуҗалыгы идарәсе баш икътисадчысы Энҗе Шәйдуллина таныштырды. Файдаланыла торган 100 га авыл хуҗалыгы җирләренә карата сөт җитештерү 16 центнер тәшкил итә. Иң югары нәтиҗә "Савельева Л.И." һәм "Зубов В.С." КФХ-ларда - 60шар центнер, ә менә "Кулон" а/ф- - 7, "Әхмәтвәлиева Г.Г." - 4, "Садыйков М.Х." КФХ да - 13 центнер.
Файдаланыла торган 100 га авыл хуҗалыгы җирләренә карата МЭТ ите җитештерү 2 центнер тәшкил итә, Л.И. Савельевада - 13, В.С. Зубовта - 5, М.И. Козловада - 4,4 центнер. Иң түбән күрсәткечләр - 0,3тән алып 1,8 центнерга кадәр - "Кулон" а/ф, "Әхмәтвәлиева Г.Г." һәм "Нурхамәтов З.М." КФХ-ларда.
Кондициясез терлек сатудан булган югалтулар район буенча 4 млн. сумнан артык тәшкил иткән (шул исәптә "Скоков Н.А." - 480 мең сум, "Архангельское" КФХ - 410 мең сум, "Кулон" һәм "Татарстан" агрофирмаларында 1,3 һәм 1,0 млн. сум).
Район авыл хуҗалыгы идарәсенең сатып алулар буенча консультанты Энҗе Гыйнатуллина гыйнварда җитештерелгән продукциянең сыйфатына анализ ясады. Югары майлылыктагы сөт сату хисабына хуҗалыкларга өстәмә 200 тонна сөт язылган. "Татарстан" а/ф-ның Чертуш бүлекчәсендә, "Архангельское" КФХ һәм "Кулон" а/ф-да сөтнең майлылыгы 4%тан артыграк. Бер кг сөтнең уртача сату бәясе 13 сум 10 тиен. Иң түбәне - 11 сум тирәсе - "Татарстан" а/ф-ның Әдәмсә һәм Сосновка бүлекчәләрендә, ә иң югарысы - 15 сумнан да артыграгы - "Скоков Н.А." КФХ-да һәм "Кулон" а/ф-да.
Быелгысы елдан башлап бары тик югары һәм I сортлы сөткә генә субсидияләр биреләчәк (якынча 1 кг сөткә 2 һәм 0,7 шәр сум). Шуңа күрә нәкъ менә җитештерелә торган продукциянең сыйфатына аеруча игътибар итәргә кирәк. Район башлыгы Вячеслав Козлов киңәшмәгә йомгак ясаганда җыелучыларның игътибарын менә шуңа юнәлтте. Бүген "Кулон" а/ф барлык сөтне югары сорт белән, "Вәлиев Ф.Р.", "Зубов В.С.", "Козлова М.И." КФХ-лар да 80-85 шәр процент сөтне югары сорт белән тапшыралар. Ә менә "Татарстан" а/ф-да сөтнең 20%-ы, ә З.М. Нурхамәтовта һәм М.Х. Садыйковта сөтнең 30-33 проценты II сорт белән тапшырыла, димәк моңа бер тиен дә субсидия булмаячак, зыянга эшләү белән бергә югалтулар да зур була дигән сүз.
Район башлыгы терлекләрнең продуктлылыгын киметү өчен бернинди дә сәбәпләр юк, фәкать ферментлар, минераль өстәмәләр, бардалар, патока (бәрәңге балы) кулланып тулы кыйммәтле ашату, сыерларны саву, ашату, карау технологияләрен үтәү һәм даими контроль генә кирәк, дип билгеләп үтте.
Азат Мусин
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев