Ватан, яз, спорт һәм юбилей
Икенче көнне Чуаш Чабаксары мәдәният йортында Яңа Иванаево, Екатерина Бистәсе халкы һәм хуҗалар үзләре иҗат отчеты белән чыгыш ясадылар.
Тамашачылар зал тутырып килгән, чабаксарлылар кунакларга да сөенделәр. Беренче булып лидерлары Юрий Киселев җитәкчелегендә яңаиванаеволылар чыгыш ясап, тамашачыларны җанландырды. Концертны ул үзе Рәсәй-ана җыры (үз җыры) белән ачып җибәрде, "Сударушка" һәм "Балаган" халык вокаль төркемнәре, "Росток" һәм "Огоньки" балалар ансамбле чыгышлары программаның төп нигезен тәшкил итте. "У Егорки дом на горке", "Вот какая штучка" җырлары яңгырады, "Замечательный сосед" биюе башкарылды. Инструменталь трио - Ю. Киселев, Ю. Никонов, П. Сударкин баянда, балалайкада һәм кашыклар ярдәмендә "Марусенька" дип аталган урыс халык җырын башкардылар. Юрий Никонов һәм Юрий Киселев башкаруында юмористик "Прибалтийские припевки" тамашачылар күңеленә хуш килде. "Огоньки" төркеме "Вася-Василек" биюен бик күңелле итеп күрсәтә белде. Сценарийда туган якка мәхәббәт, яз, ярату темалары өстенлек итте. Абыйлы-энеле Сударкиннар кәккүк турында күңелле итеп җыр суздылар. Чыгыш ясаучылар кулында әләм, факел, биш йолдыз һ.б. (атрибутика) - алар бергәләп "Безгә Универсиада килә" дигән финал җырын башкардылар. Отчет ошамый мөмкин түгел, чөнки бу авылда тормыш кайнап, яңа идеялар туып тора. Ничек туры килгән, Яңа Иванаево МЙ сәнгать җитәкчесе Светлана Самсонова 25 мартта билгеләп үтелүче һөнәри бәйрәме белән бергә туган көнен дә билгеләп үтә, мәдәният бүлеге начальнигы Татьяна Маланчева сәхнәдә аны юбилее белән котлап, чәчәк бәйләме һәм бүләк тапшырды.
Яңаиванаеволылар концертын карап җанланган тамашачы һәм жюри Екатерина Бистәсенең иҗат отчетын дәртләнеп - илһамланып каршы алды. "Ивушка" ансамбле күп кенә урыс халык җырларын башкарды (халыкныкы исемен тиккә генә йөртми шул). "Ивушка" да, Александр Хорьков та бик матур җырладылар, тик авангардта балалар вокаль һәм бию төркемнәре булды. Күпләре Яңа Чишмәдәге сәнгать мәктәбендә укый, шуңа да чыгышлары шома, матур. Музыкаль һәм бию номерларын, Бистә турында фотофильм да кертеп сәхнәләштерелгән "Кайда туган, шунда ярап куйган" әсәре иҗат отчетының төп темасы булды. Тулаем куелыш төптән уйланган, әйбәт хәзерлектә, фантазиягә бай, бу районга чын гимн булып яңгырады. Чуашчабаксарлылар отчетының нигезе - "Илем" ансамбле һәм аның солистлары, ул районда, республикада, хәтта читтә дә билгеле, чөнки авылда мәдәният эше күптәннән һәм ныклап оештырылган. Алар тамашачыга яраткан чуаш халык җырлары һәм биюләр бүләк иттеләр. Солистлар Юлия Носкова ("Гранитный камушек"), мәктәп укучылары Вероника Куприянова һәм Полина Сидоровалар дуэты җырларны аерым башкардылар, кечкенә кыз Юлия Ермолаева бик матур шигырь сөйләде ("Колокольчики, цветики степные"), Ольга Якимкина көнчыгыш биюен башкарды. Татьяна Охотникова һәм Юлия Носкова дуэты "Атал" дип аталган моңлы җыр башкарды, Охотниковлар гаилә дуэты да җыр белән халыкны сөендерде. Сергей Моляков һәм Владимир Охотников иң популяр саналган "яңа урыс әбиләре" героинялары булып чыгыш ясадылар. Хатын-кызлар боксын чагылдырган, сәхнәләштерелгән тамаша спорт темасына кагыла: бияләй кигән Рәсәй вәкиле бокс перчаткалары кигән америка хатын-кызын нокаутка җибәрде. "Исәнме, башкала" дип аталган финал җыры Казанга багышланган иде, анда шулай ук патриотик эпитетлар белән Татарстанның башка шәһәрләре һәм район үзәкләре, шул исәптә Яңа Чишмә дә, бүләкләнде.
Өченче көнне Черемухово Мәдәният йортында Черемухово Бистәсе һәм Красный Октябрь поселогы үзешчән артистлары үзләренең иҗат отчетларын күрсәтте. Моңлы көй астында Красный Октябрь поселогының тарихы турында авыл җирлеге башлыгы Светлана Ерохина тәфсилле итеп сөйләде, аннан соң сүзне авылдашларына бирде. Монда иң-иңе "Девчата" халык ансамбле иде. Ансамбль "Жила бы деревня моя", "Тополь-тополек" һ.б. җырларны башкарды, ансамбль солисткалары Лариса Ефимова, Наталья Иванова, Любовь Галимовалар да җырлар башкардылар. "Икенче яшьлек" дип аталган юмористик миниатюра барысының да күңелен күтәрде, монда "әби-чебиләр" Универсиадага хәзерләнәләр, "фуэтэ" әйләндерергә өйрәнәләр (фуэтэ - балеттагы фигура), "Богатырь" дип аталган шаян сәхнә күренеше дә кызык килеп чыкты. Район эстрадасында яңа йолдыз Наталья Яковлева "Подорожник трава" җырын башкарды.
Иҗат отчеты начар түгел, әзерләнгәннәре күренеп тора һәм "Девчата" ансамбле өчен хәтта бик матур концерт костюмнары да тапканнар.
Черемухово Бистәсе беренче секундларда ук яшьләр спорт төркеменең хәрәкәтчән булуы белән залны җәлеп итте: кызлар һәм малайлар бию ритмында әле сәхнәгә килеп чыгалар, әле кабат югалалар. Алар тәгәрмәч әйләндерәләр, шпагатка утыралар, сикерәләр, финиш тасмасын үтәләр, кыскасы, байтак кына гимнастик һәм акробатик күнегүләр башкардылар. Болардан тыш, шушы ук балалар "Победа спорта" җырын җырладылар. Черемуховолыларның җыр һәм бию халык иҗатында төп таянычлары - "Рябинушка" ансамбле һәм укучылардан торган "Рябинка" ансамбле. Аларның ансамбльләре калейдоскоп аркылы рус халык әкиятләрен сәхнәләштерделәр, рус халык җырларын башкардылар. Икенчесе артыннан артистларның өченче буыны да үсеп килә: 6 яшьлек Каринэ Мазманян "Мәк чәчәге" ("Маков цвет") җырын башкарды. Баянчы һәм җырны үзе башкаручы, пенсионер Иван Савельев "Малиновый звон" җырын җырлап, барысын да таң калдырды, соңыннан "Юбилеең белән, район!" дип атап ясалган торт, шәм урынына бенгал утларыннан фейерверк та шәп килеп чыкты. Черемуховолылар белән үз эшенең остасы, Мәдәният йорты директоры Вера Коновалова җитәкчелек итә. Һәм әлегә һәр авылда шундый кешеләр булганда, Яңа Чишмә җире талантларга саекмас.
Ольга ИВАНОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев