Яңа Чишмә музее ачылды
29 августта рәсми рәвештә музей ачылды. Ал тасманы кисү тантанасында район башкарма комитеты җитәкчесе урынбасары Валентина Семеняк, Зирекле музее директоры Мидхәт Газыймов, пенсионерлар советы рәисе Анастасия Козлова, мәдәниятне һәм тарихны үз итүчеләр катнашты.
Әлбәттә инде, күбесе бүләк белән килгән. Мидхәт Газыймов үз эшен башлаучы музейларның хәлен әйбәт белә, шуңадыр, күп кенә кирәкле әйберләр алып килгән.
Музей берничә зур булмаган тарихи экспонат күргәзмәсе белән ачылды. Йорт җиһазлары яшьрәкләрне дә кызыксындырды: кайберләренең шундый кызыклы әйберләрне күргәне дә булмаган. Малайлар пыяла аша борынгы корал элементларын күзләсә, хатын-кызларны чиккән сөлгеләр, эскәтерләр коллекциясе җәлеп итте. Бар да гаҗәпләнеп борынгы хайваннарны, кыйммәтле кәгазьләрне, тәңкәләрне һ.б.-ны карады.
«Яңа Чишмәдә тарихи урыннарда казу эшләре алып баруга лицензия алгач, музей акрынлап борынгы әйберләр белән тулылана бара, без шактый гына кызыклы нәрсәләр табарга өметләнәбез», - дип сөйли Яңа Чишмә музее директоры Анатолий Холин. - Хәзер исә без Бөек Ватан сугышында хәбәрсез югалган сугышчыларның - яңачишмәлеләрнең исемнәрен эзләү буенча эш алып баруны үз алдыбызга максат итеп куябыз. Вакыт ашыктыра: тере шаһитлар кими бара.
Икенче көнне Республика көнен бәйрәм иткәндә музейда байтак яңачишмәлеләр һәм район үзәгенә килгән кунаклар, шулай үк район башлыгы Вячеслав Козлов та булды.
Лариса ФЕДОРОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев