Яңа ел белән!
Яңа Чишмә муниципаль район башлыгы Вячеслав Козловның яңа ел котлавы
Хөрмәтле яңачишмәле-ләр!
2011 ел безнең өчен чираттагы алгарышлы үсеш елы булды. Район хезмәтчәннәре уңыш урып-җыюны оешкан төстә төгәлләделәр, бөртекле һәм азык культураларыннан мул уңыш җыеп алдылар, сөт җитештерүне арттырдылар, гаилә фермалары оештыру буенча эш активлашты. Район үзәгендә бик шәп "Олимп" физкультура-сәламәтләндерү комплексы ачылды. Чишмәләрне төзекләндерү һәм авылларны яшелләндерү буенча зур күләмле эш башкарылды. Торак төзү, күпфатирлы йортларга, мәдәният учреждениеләренә, балалар бакчаларына, мәктәпләргә капиталь ремонт үткәрү эшләре дәвам итә. Суүткәргеч челтәрләр салу һәм ремонтлау, урамнарны яктыртуны модернизацияләү, юлларга асфальт түшәү буенча зур күләмле эш башкарылды. Яңа җитештерү участоклары булдыру буенча планлы эш алып барыла - колбаса җитештерү, металл кою цехлары ачылды, терлек сую цехы төзелеп бетеп килә, быел 300 яңа эш урыны булдырылды.
Халыкның үтемле товарлар белән тәэмин итү тәкъдимен исәпкә алып, авыл хуҗалыгы продукциясе сату буенча һәрдаим ярминкәләр үткәрелә.
Киләсе елга район үзәгендә яңа бассейн файдалануга тапшырылачак, Акбүредә АМЙ төзелә башлый, "Чиста су", "Торакка капиталь ремонт", "Авыл юллары" дип аталган республика программалары буенча эш дәвам итә, "Мәктәпләргә капиталь ремонт" дигән яңа программа старт ала.
Чын күңелдән барлык яңачишмәлеләрне туасы Яңа ел белән котлыйм.
Кырларда һәм фермаларда намуслы хезмәт куйган авыл кешеләренә, оешмаларда һәм учреждениеләрдә эшләүчеләргә, халык сәламәтлеге сагында торучыларга, белем һәм тәрбия бирүчеләргә, иминлегебезне саклаучыларга һәммәсенә ныклы сәламәтлек, бәхет-шатлык, иминлек, эш-гамәлләрендә уңышлар телим.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев