Район чистарып калды
"Яшел Рәсәй" Бөтенрәсәй экологик шимбә өмәсе кысаларында 31 август көнне районда йөзләгән кеше тирә-юньне җыештырырга, чүп үләннәрен чабарга, территорияләрне төзекләндерергә чыкты.
Район үзәгендәге учреждениеләр хезмәткәрләре үз территорияләрендә дә, беркетелгән участокларда да җыештыру, чүп үләннәрен чабу белән мәшгуль булдылар.
Районда күп кенә чишмә буйлары, зиратлар, чүплек территорияләре, скверлар, парклар, һәлак булган сугышчылар һәйкәлләре чистарып, төзекләнеп калды.
Тубылгы Тау авылында укытучы Нәфисә Хөсәенова үз инициативасы белән кул астындагы материаллардан буш торган җирдә балалар мәйданчыгы ясаган, анда хәзер балалар рәхәтләнеп уйнаячак, шимбә көнне Шахмай авыл җирлегендә дә чишмәләрне төзекләндерүдә активлык күрсәткәннәр, район Советы һәм башкарма комитеты хезмәткәрләре Студенец елгасын ауган агачлардан, тал-чыбыктан, чүп-чардан арындырдылар.
Шимбә өмәсендә 700 ләп кеше катнашты, 90 куб. метр чүп-чар чыгарылды.
Азат МУСИН
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев