Бәйрәм белән, гүзәл затларыбыз!

автор, 3 март 2017 - 06:11

604

Кадерле хатын-кызлар!

Сезнең һәммәгезне дә чын күңелемнән 8 март - Халыкара хатын-кызлар көне белән тәбрик итәм!

Мартның нурлы, җанга җылы өсти торган бу көне хатын-кызларга ихлас мәхәббәт, эчкерсез соклану һәм олы хөрмәт белән сугарылган. Гүзәл һәм нәзакәтле затлар элек-электән тереклекнең гәүдәләнеше, шәфкать-мәрхәмәт һәм илһам чыганагы, матурлык, камиллек, мөлаемлык үрнәге булып санала. Табигать аларга кешелек яшәешен дәвам иттерү кебек олы бурыч йөкләгән. Тормышыбызны сездән - хатын-кызлардан, сезнең шәфкатьлелегегез, мәхәббәтегез, йорт-җиребезне җылы һәм уңайлы итү омтылышыгыздан башка күз алдына да китереп булмый. Хатын-кызларыбыз районыбызның социаль-икътисадый үсешенә саллы өлеш кертәләр. Һәрбер җиңүегез, уңышыгыз һәм казанышыгыз безнең күңелләрдә сөенеч һәм горурлык хисләре уята.

Сезнең йөрәкләрегез һәрчак мәхәббәт һәм шатлык хисләре белән тулып торсын, бәхетле булыгыз, тормышыгызда уңышлар юлдаш булсын. Бәйрәм белән, хөрмәтле хатын-кызлар!

Вячеслав КОЗЛОВ,

Яңа Чишмә муниципаль район башлыгы