Дөрес сакласаң – озаграк кулланасың

автор, 19 ноябрь 2013 - 07:41

Көзге кыр эшләре төгәлләнүгә барлык авыл хуҗалыгы техникасы, ГОСТ таләпләрен үтәп, кышкы саклауга куелырга тиеш. Шушы мәсьәлә буенча безнең районда эшләр ничегрәк тора, район авыл хуҗалыгы идарәсенең җитештерү - маркетинг бүлеге консультанты Алмаз Даутов безгә шул хакта сөйләде. Азат МУСИН

-Көз явымлы килү сәбәпле, кыр эшләре озакка сузылды, шунлыктан район хуҗалыклары техниканы саклауга куюга соңлап кереште,- дип билгеләп үтте әңгәмәдәшебез. - Хәзергесе вакытта күп хуҗалыкларда техника кышкы саклауга куелган. "Кулон" һәм "Татарстан" агрофирмаларында, Николай Скоков, Татьяна Белоглазова, Фәргат Вәлиев, Рамил Якупов КФХ-да ("Кулон" а/ф техникасы да аның ангарында) бу мәсьәләгә җаваплы карадылар. Ә менә Мария Козлова, Владимир Зубов һәм Александр Хорьков КФХ-да әле бар техника саклауга куелмаган, куелганнарында да җитди кимчелекләр бар.

Районда район авыл хуҗалыгы идарәсе начальнигы Сергей Баранов җитәкчелегендә комиссия оешты, ул техниканың саклауга куелышын һәм кую кагыйдәләренең үтәлешен тикшерә.

Комиссия ачыкланган кимчелекләрне бетерү срогын билгели, гамьсезләргә күрсәтмәләр дә бирә. Нигездә, таләпләр шундый. Иң элек барлык авыл хуҗалыгы машиналарын да саздан, саламнан, кибәктән арындырырга кирәк, авыл хуҗалыгы машиналарының резин шиннары агартылган һәм аслыкларга куелган булырга тиеш (шиннардагы басымны киметергә кирәк), кыскыч һәм тарттыргыч пружиналарны - бушайтырга, комбайн һәм тракторларның двигательләренә, су эләкмәсен өчен, тышлык кидерергә кирәк. Шулай ук чылбырларны, каешларны, гидроцилиндрларны салдырырга, ургыч пычаклары, тиешле тәгәрмәчләр һәм йолдызчалар майланган булырга тиеш. Салдырылган детальләрне, кайсы авыл хуҗалыгы машинасыннан булуын күрсәтеп, складка тапшырырга кирәк.

Республика Авыл хуҗалыгы һәм азык-төлек министрлыгыннан комиссиянең кайбер районнарны (шул исәптә безнең район да) техниканы кышкы саклауга кую буенча тәнкыйть утына тотуы турындагы сорауга Сергей Баранов бәянең бик үк объектив булмавын әйтеп үтте. Комиссия килгән вакытта (октябрь уртасында) механизаторлар әле кырда эшли (кагыйдә буларак, комбайнда эш беткәч, алар тракторга утыра) һәм шуңа да бар техника да саклауга куелмаган була. Хәзер хәлләр шактый үзгәрде һәм барлык авыл хуҗалыгы техникасы да, аларны куюның барлык кагыйдәләрен үтәп, кышкы саклауга куелган, ди ул.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

Документлар

© 2011 - 2020. Шешминская новь. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Шешминская новь
№ свидетельства о регистрации СМИ, дата: Эл № ФС 77 - 47633 от 06.12.2011
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Мусин Азат Вализанович Email: sheshminskaja-nov.dir@tatmedia.com
Адрес редакции: 423190 Республика Татарстан, с.Новошешминск, ул.Ленина, д.102.
Телефон редакции: 8(84348)2-21-46 - Руководитель филиала. 8(84348)2-23-46 - Бухгалтерия и отдел рекламы. 8(84348)2-24-32 - отдел писем
Электронная почта редакции: sheshminskaja-nov@tatmedia.com
Электронная почта филиала для сообщений о фактах коррупции sheshminskaja-nov.dir@tatmedia.com

sheshminskaja-nov@tatmedia.com

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

18+