Ике айлык киң колач ала бара

Авыл җирлекләрендә карны таратып ташлау һәм территорияне чүп-чардан арындыру буенча шимбә өмәләре булып узды. АҖ башкарма комитетлары шәхси йортларга (районда алар барлыгы 4991) өй янындагы участокларны чистарту кирәклеге турында 2000 данәдән артык белдерү кәгазе (уведомление) тараткан. Шушы көннәрдә барлык йортлар да белдерү кәгазьләре алачак. Шулай ук кайда һәм нинди срокта эшләргә кирәклеге күрсәтелгән 30 дан артык күрсәтмә дә язылган.
Авыл җирлекләрендә юл полотносын бозуга юл куймау өчен урамнарда 44 шлагбаум урнаштырылган. Учреждение хезмәткәрләре атна саен авылны төзекләндерүгә чыгачак. Эш күп һәм аның төп өлешен май бәйрәмнәренә чаклы төгәлләргә кирәк.