Яңа Чишмә хәбәрләре

Яңа Чишмә районы

Рус Тат
Көн темасы

Орлык уңышның нигезе

Игенчеләрнең барысы да авыл хуҗалыгы культураларының уңышы күпчелек орлыкларның сыйфатына бәйле булуын яхшы белә. Халыкта: "Ни чәчсәң, шуны урырсың" дигән гыйбарә тикмәгә әйтелмәгән. Киләсе ел уңышы өчен нинди нигез салына (орлыкларның сыйфаты нинди) - "Россельхозцентр"ның район бүлеге (кыскача әйтсәк, орлыкчылык инспекциясе) җитәкчесе Рәфис Зиниятуллин белән әңгәмәбез шул хакта. -Республиканың авыл...

Игенчеләрнең барысы да авыл хуҗалыгы культураларының уңышы күпчелек орлыкларның сыйфатына бәйле булуын яхшы белә. Халыкта: "Ни чәчсәң, шуны урырсың" дигән гыйбарә тикмәгә әйтелмәгән. Киләсе ел уңышы өчен нинди нигез салына (орлыкларның сыйфаты нинди) - "Россельхозцентр"ның район бүлеге (кыскача әйтсәк, орлыкчылык инспекциясе) җитәкчесе Рәфис Зиниятуллин белән әңгәмәбез шул хакта.
-Республиканың авыл хуҗалыгы һәм азык-төлек министрлыгы тарафыннан орлыкларның сыйфатына таләпләр куелды - чәчеләсе орлыкларның 85%-ы (ким түгел) югары репродукцияле булырга тиеш, бүлеп биреләсе субсидия күләме дә шуңа бәйле булачак, - диде Р.М. Зиниятуллин. -Хуҗалыклар 15 ноябрьгә чаклы орлыкларны эшкәртеп, тикшертеп, саклауга салырга тиеш иделәр.
-Районда орлыкларны саклауга салу буенча эшләр ничегрәк тора?
-ТР Авыл хуҗалыгы һәм азык-төлек министрлыгы җиткергән план буенча без 10800 тонна бөртекле сабан культуралары орлыклары (иминият фондын һәм азык-төлек максатларын кертеп), шулай ук 4120 тонна күләмендә күчмә фондка көзге культуралар һәм, үлән чәчелгән мәйданнарның 25%ын һәр елны яңартуны истә тотып, 54 тонна күләмендә күпьеллык үлән орлыклары салырга тиешбез.
-Шул чаклы орлык бармы соң?
-Бөртекле сабан культуралары буенча орлыклар җитәрлек салынды, ә күчмә фондка арыш - 60, көзге бодай ихтыяҗның 10 проценты күләмендә салынса, үлән орлыгы 45,5 тонна чамасы бар.
-Орлыкларның булуы бер хәл, әле бит аларны эшкәртеп, тикшертеп чәчү кондициясенә җиткерәсе дә бар.
-Бик дөрес. 24 ноябрьгә салынган орлыкның 65%-ы тикшерелгән, шуларның 93%-ы стандарт таләпләренә туры килә. Чүплелеге һәм шытучанлыгы буенча (бигрәк тә арпа) кондициясез орлыклар партиясе бар.
Бүгенгесе көнгә "Яңа Чишмә" а/ф (аларда барыннан да яхшырак), "Игенче" ҖЧҖ, "Скоков Н.А.", "Вәлиев Ф.Р.", "Садыйков М.Х.", "Әхмәтвәлиева Г.Г.", "Исхаков Р.М." КФХ да орлыклар тулысынча хәзерләнгән һәм тикшерелгән. "Кулон" а/ф-да, "Архангельское", "Козлова М.И." һәм "Зубов В.С." КФХ да орлыклар белән 70%ка якын эш эшләнгән.
-Ә вак фермерларда хәлләр ничегрәк?
-Кызганычка каршы, аларның күпчелеге үз орлыкларының торышын белми дә, анализга проба бирмәделәр.
-Әгәр ТР Авыл хуҗалыгы һәм азык-төлек министрлыгы 85% югары репродукцияле орлык булуын таләп итсә, бу сортны алмаштыру һәм яңарту турында сөйлиме?
-Әйе, әмма бу мәсьәләдә район хуҗалыклары бик сүлпән шөгыльләнә ("Яңа Чишмә" һәм "Игенче"дән кала). Ә бит югары репродукцияле орлык чәчү уңышны 3-5 центнерга (гектарына) арттыра, өстәвенә өстәмә чыгымнарсыз.
-Күпьеллык үлән орлыклары буенча ни әйтерсез?
-Алар 46 тоннага якын салынган. "Яңа Чишмә" а/ф (сатуга да бар), "Игенче" ҖЧҖ, "Козлова М.И.", "Садыйков М.Х.", "Вәлиев Ф.Р.", "Скоков Н.А." КФХ үзләрен тулысынча тәэмин иткән.
-Ындыр табакларының матди-техник база торышы ничегрәк?
-Кызганычка каршы, булган орлык чистарткыч машиналар күптән искерде, күпчелек хуҗалыкларда ул яңартылмый диярлек. Оста куллы машинистлар аркасында алар әлегә эшли.
-Бүген әле орлыклар белән эшләп буламы?
-Әйе, 15-20 градус суыкларга чаклы орлыкларны эшкәртергә була әле, әлегә мондый мөмкинлек бар. Аннан орлыклар "кышкы йокыга талырга" тиешләр.
Азат МУСИН

Подписывайтесь на наш Telegram-канал "Шешминская новь"

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев