Төп бурыч – су белән өзлексез тәэмин итү

автор, 14 март 2014 - 04:14

Якшәмбе көнне торак-коммуналь хуҗалык хезмәткәрләре үзләренең һөнәри бәйрәмнәрен билгеләп үтәләр. Район үзәгендә һәм кайбер торак пунктларда яшәүче халыкка төп хезмәтләр күләмен 2013 елның июленнән Илшат Дәүләтшин җитәкчелек иткән "Яңа Чишмә ТКХ КПП" ҖЧҖ күрсәтә.

Коммуналь хезмәтләр күрсәтүче коллектив үз һөнәри бәйрәмен эштә каршылый. Әгәр дә 2013 ел нәтиҗәләренә күз салсак, кулланучыларга 598 мең кубометр су җибәрелгән (шул исәптә халыкка 484 мең кубометр), 75 мең кубометр агып җыела торган сулар агызылган. Халык арасында барлыгы 3247 абонент (шуның 1488 ендә су санагычлар бар), шулай ук 123 оешма (шуның 66 сы - бюджет оешмалары) су белән тәэмин ителә.

-Халыкны һәм оешмаларны өзлексез су белән тәэмин итү - безнең төп бурыч, - дип сөйли җәмгыять җитәкчесе Илшат Дәүләтшин. - Кызганычка каршы, суүткәргеч линияләрнең искергән булуы безгә байтак проблемалар тудыра. 2013 елда гына да без 170 су агып чыккан урыннарны бетердек. Безнең бригада суүткәргеч, җылылык һәм канализация челтәрләрен планлы һәм планнан тыш ремонтлау белән даими шөгыльләнеп тора.

Үткән елда Екатерина Бистәсендәге суэтем башняны ешлык приводлы насоска алыштырганнар, бу исә авылдагы иң ерак урнашкан өйләрне өзлексез су белән тәэмин итәргә мөмкинлек бирә. Район үзәгендәге Заливная урамында (24 нче йорт) барлык йортларда да су туңган. Җылыткыч кабельләр кулланып, ишегалды тирәләрендә төзекләндерелгән торышны саклап, әлеге проблеманы бетергәннәр. Шулай ук район үзәгендә яңа аптекага һәм кибеткә су һәм канализация үткәргәннәр.

-Халыкның коммуналь хезмәтләргә үзвакытында һәм тулы күләмдә түләмәве безнең эшне финанс ягыннан (җиһазлар, запас частьләр сатып алуда) кыенлаштыра,- дип сүзен дәвам итә безнең әңгәмәдәшебез. - Мондый усал нияттә түләмәүчеләргә карата кардиналь чаралар - судан, җылылыктан өзү кулланылачак.

ТКХ КПП хезмәт күрсәтүендә 6 блок-модульле пар казаннары бар, алар байтак административ бина һәм учреждениеләрне җылылык белән тәэмин итеп торалар. Үткән көз 4 насос аз энергия сарыф итүче тагы да куәтлерәгенә алыштырылган.

Быелгысы елдан башлап оешма район үзәгендә һәм Красный Октябрьдә чүп-чар чыгару эшен башкарачак. Әлеге максатлар өчен лизинг буенча махсус машина сатып алынган.

Агымдагы елда кайбер торак пунктларда суэтем башняларын ешлык насосларына алыштыру, абонентларга су санагычлар урнаштыру, суүткәргеч һәм җылылык челтәрләрен ремонтлау буенча эшләр дәвам иттереләчәк.

Коллективта 57 кеше эшли һәм күпчелеге үз эшләренә намус белән карый. Алар арасында оешма җитәкчесе инженер Николай Пузиков, энергетик Валентин Абрамов, шофер Владимир Пузиков, тракторчы Николай Киселев, экскаваторчы Александр Петровичев, бухгалтер исәбе һәм икътисад эшләрен алып баручы Зинаида Писцова һәм Зәйнәп Нуруллиналарны атап үтте.

ТКХ КПП коллективы халыкка тормыш өчен мөһим булган хезмәтләр күрсәтә. Алар безне, кулланучыларны, су һәм җылылык белән өзлексез тәэмин итәргә тырышалар. Шулай булгач, без дә, үз чиратыбызда, аларның хезмәтләре өчен тулы күләмдә һәм тоткарлыксыз түлик, бу коммуналь хезмәтләргә халыкка хезмәт күрсәтүне тагы да яхшыртырга мөмкинлек бирәчәк.

Без районның барлык коммуналь хезмәтләре хезмәткәрләрен һөнәри бәйрәмнәре белән котлыйбыз, аларга исәнлек-саулык, иминлек һәм уңышлар телибез.

Азат МУСИН

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

Документлар

© 2011 - 2020. Шешминская новь. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Шешминская новь
№ свидетельства о регистрации СМИ, дата: Эл № ФС 77 - 47633 от 06.12.2011
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Мусин Азат Вализанович Email: sheshminskaja-nov.dir@tatmedia.com
Адрес редакции: 423190 Республика Татарстан, с.Новошешминск, ул.Ленина, д.102.
Телефон редакции: 8(84348)2-21-46 - Руководитель филиала. 8(84348)2-23-46 - Бухгалтерия и отдел рекламы. 8(84348)2-24-32 - отдел писем
Электронная почта редакции: sheshminskaja-nov@tatmedia.com
Электронная почта филиала для сообщений о фактах коррупции sheshminskaja-nov.dir@tatmedia.com

sheshminskaja-nov@tatmedia.com

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

18+