Яңа Чишмә хәбәрләре
  • Рус Тат
  • Яңа Чишмә районы опека бүлеге һәрвакыт балаларга гаиләне саклап калырга тырыша

    Социаль ятимлекнең төп сәбәбе - балаларның хокуклары бозылган имин булмаган гаиләләр

    Районның опека һәм попечительлек бүлеге гаиләдә проблемалар килеп чыгуның башлангыч стадиясендә профилактик һәм реабилитация эшен алып бара.
    - Без тәрбиягә бала алган, опекун, имин булмаган һәм күп балалы гаиләләр буенча даими рәвештә рейдлар үткәрәбез, - дип сөйләде районның опека бүлеге начальнигы Лариса Пузикова. - Уңышсыз гаиләләрне ачыклыйбыз, мәктәпләрдә профилактик әңгәмәләр үткәрәбез, алар, һичшиксез, тәртип бозуларга хирыс булган балалар һәм яшүсмерләр өчен бик тә файдалы. Режим моментларын тикшерү өчен кичке рейдларга чыгабыз. Гаиләләргә килгәч, янгын куркынычсызлыгына, торак-коммуналь хезмәтләр өчен бурычларга, ата-аналарны эшкә урнаштыруга, балаларны  җәен эш белән тәэмин итүгә һәм сәламәтләндерүгә игътибар бирәбез. Кызганычка каршы, барлык ата-аналар да төзәлергә теләми һәм әхлаксыз тормыш алып баруларын дәвам итәләр. Ул чакта ата-ана хокукыннан мәхрүм итүгә яки ата-ана хокукларын чикләүгә документлар тапшырабыз.
    Аның сүзләренә караганда, бүлектә профилактикалауның барлык ведомствоара структуралары белән эшләү яхшы җайга салынган. Шуның аркасында намуссыз ата-аналарны ачыклау күрсәткече югары. 2019 елда мондый гаиләләрдә 11 бала ачыкланды, шуларның балигъ булмаган 9 бала опекага бирелгән, шул исәптән сәламәтлеге буенча мөмкинлеге чикләнгән 1 бала. 6 балигъ булмаган балага карата 5 ата-ана ата-ана хокукыннан мәхрүм ителгән, 3 ата-ана ата-ана хокукыннан чикләнгән. Ике анага карата (монда 3 балигъ булмаган бала) Түбән Кама районына һәм Яр Чаллы шәһәренә запрослар җибәрелгән (бу аналар әлеге районнарда теркәлгән һәм яшиләр).
    Бүлеккә авыл җирлекләре башлыклары нык булыша, дип билгеләп үтте Лариса Пузикова. Ата-аналар бурычларын намуссыз башкаруның аз гына билгеләре булганда да, алар ата-аналар белән профилактик әңгәмәләр үткәрәләр, хатын-кызлар советына чакырталар, өйләренә баралар һәм алга таба бергәләп эш итәр өчен опека бүлегенә хәбәр итәләр. Аның сүзләре буенча, бу эш Әдәмсә һәм Петропавел авыл җирлекләрендә аеруча җайга салынган.
    Узган ел 50 дән артык гаилә тикшерелгән. Декабрь азагында бүлектә  тәрбиягә бала алган 21 гаилә исәптә тора, аларда 32 бала тәрбияләнә, 20 опекун гаиләсе бар, анда 25 бала яши, шулай ук суд тарафыннан эшкә яраксыз дип танылган 45 граждан исәптә тора. 13 бала исәптән төшерелгән: 2се - күченү, 11е-балигъ булу сәбәпле. Тәрбиягә бала алган гаиләдән бер бала җәмгыятькә каршы гамәлләр буенча полициядә исәптә тора. ПДН хезмәткәрләре һәм җәмәгать тәрбиячесе - мәктәп педагогы-бу бала белән даими рәвештә яшәү һәм уку урыннарына барып, индивидуаль тәрбия программасы буенча эшлиләр.
    Бүлек ятим һәм ата-ана каравыннан мәхрүм калган 18 яшьтән өлкәнрәк балаларны күзәтә. Алар белән торак-коммуналь хуҗалык буенча бурычларны бетерү һәм эшкә урнаштыру буенча авыл җирлекләре башлыклары белән бергә эшлиләр.
    Бер ел эчендә бүлек тарафыннан эшкә сәләтсезлекне тану, опека һәм попечительлек билгеләү, балигъ булмаган балаларның мөлкәтен тартып алу буенча килешүләр төзү һ. б. дәүләт хезмәтләре күрсәтелгән.
    Балигъ булмаганнарның хокукларын саклау бүлеге белгечләре аларның мәнфәгатьләрен һәм хокукларын судта яклый. Алар ата-ана хокукыннан мәхрүм итү һәм чикләү, ата-ана хокукларын торгызу, балаларның яшәү урынын билгеләү, балаларны тәрбияләү буенча бәхәсләр, аларның торак мәсьәләләрен хәл итү буенча суд утырышларында катнашалар.
    Берничә тапкыр балалар өчен йөзү бассейнына, кинотеатрга, «Олимп» УСЗга бару оештырылган. Тәрбиягә бала алган гаиләләр өчен Зөя утрау-шәһәрчегенә сәфәр оештырылган. Прокуратура вәкиле һәм район хезмәтләре начальниклары катнашында ата-аналар белән очрашулар уздырылган, анда үзләрен борчыган мәсьәләләр хәл ителгән.
    «Безнең бүлекнең бөтен тырышлыгы ятим балаларга, ата-ана каравыннан мәхрүм калган балаларга, дәүләт саклавына һәм шәхеснең хокукларын һәм иреген яклауга мохтаҗ балигъ булмаган балаларга яшәү өчен оптималь шартлар булдыруга юнәлтелгән», - дип ассызыклады Лариса Пузикова.
    Рәсемдә: Балалар иҗаты. Лариса Пузикова рәсем конкурсында җиңүчеләрне грамоталар белән бүләкли

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: