23 февраль - Ватанны саклаучылар көне, ул - көч, түземлелек, мәрхәмәтлелек һәм туган җиреңә карата мәхәббәт бәйрәме.

Залда җыелучылар арасында армиядә уңышлы, исән-имин хезмәт итеп кайткан ир-атлар һәм киләчәктә Ватан алдында бурычларын үтәячәк егетләр дә байтак булган. Алар "Артиллеристлар", "Татар яшьләре", "Бабайлар" командаларына бүленеп төрле бәйгеләрдә катнашкан. "Гер күтәрү", "Скакалка белән сикерү", "Капчыкта йөгерү", "Баланы матур итеп өтерү" һ.б. уеннарда үзләрен бик уңай яктан күрсәткәннәр. Мәртәбәле жюри нәтиҗәләре буенча "Татар яшьләре" өченче урынны, "Бабайлар" командасы икенче һәм "Артиллеристлар" командасы беренче урыннарны яулаган.

Ничек кенә булмасын, ир-атлар - безнең сакчыларыбыз, яклаучыларыбыз. Бәйрәм кичәсендә катнашкан барлык егетләргә, концерт программасын әзерләгән кызларга зур рәхмәтебезне җиткерәбез.