Ленино авылы балалары СВОда катнашучы солдатларга хатлар юллый

Чара яшь буынга гражданлык-патриотик тәрбия бирү һәм махсус хәрби операция барышында хәрби бурычларын үтәүче солдатларга ярдәм итү кысаларында узган (#СвоихНеБросаем). 
 Әйдәп баручы китапханәче Надежда Веретенникова балаларга Бөек Ватан сугышы вакытында фронттан килгән хатларның ни өчен өчпочмак формасында булуы турында сөйләгән. Ул балаларга солдатларга ниләр язарга кирәклеге турында да әйткән.

 Балалар исә «Иң мөһиме - хатны чын күңелдән язарга кирәк!». Хатта язылачак сүзләрне сайлаганда шуны аңлау зарур: сугыш шартларында хатлардагы җылы сүзләр һичшиксез солдат күңеленә үтеп керәчәк», дигәннәр.  

Хатларны кемдер үз сүзләре, ә кемдер шигъри юллар белән язган. Укучылар үз хатларында солдатларга хәрби бурычларны уңышлы үтәүләрен һәм барысының да өйләренә исән-сау кайтуларын теләгәннәр. «Өчпочмакларны» да бик тырышып бизәгәннәр. 

Тиздән барлык хатлар посылкаларның чираттагы партиясе белән махсус хәрби операция зонасына җибәреләчәк.