«Әфганстан — безнең йөрәк ярасы, батырлыгыбыз һәм истәлегебез»

15 февраль — фаҗигале Әфган сугышында катнашучы һәр кешегә хөрмәт күрсәтү көне. Чит җирләрдә тугыз елга сузылган әлеге сугыш халкыбызга күп кайгы, бәла-казалар һәм газаплар китерде. Әмма анда да, ерак Әфганстанда, совет сугышчылары кешелекнең иң яхшы сыйфатларын — батырлык, рухи ныклык күрсәткәннәр һәм безнең Әфганстандагы сугышны онытырга хакыбыз юк.

Белгечләрнең сөйләвеннән балалар Әфганстанга совет гаскәрләрен кертү һәм аларны чыгару, үзләренең интернациональ бурычларын намус белән үтәгән якташлары турында белгәннәр. Һәлак булган солдатларыбыз һәм офицерларыбызны бер минутлык тынлык белән искә алып, укучылар рух көчлелеге, фидакарьлек, батырлык күрсәткән һәр сугышчыны искә алганнар, алар турында документаль видеоматериаллар караганнар.

Чара барышында биредә катнашучылар мондый хәлнең беркайчан да кабатланмаска, ә дөньяның теләсә кайсы өлешендә сугыш утын кабызырга теләүчеләрнең һәммәсе Әфган сугышының аянычлы дәресләрен онытмаска тиеш, дигән нәтиҗәгә килгәннәр. Мәгълүмат сәгате батырлык, ныклык һәм чын дуслык тәрбияләүгә, киләчәк буыннар өчен тынычлыкны саклап калу теләген булдыруга ярдәм иткән.