Яңа Чишмә хәбәрләре
  • Рус Тат
  • Балалар өчен «Зәңгәр лагуна» ачылды

    2 декабрьдә Яңа Чишмәдә мәдәният һәм ял паркында яңа ял итү зонасының беренче чираты ачылды.

    «Зәңгәр лагуна» дигән романтик ял итү зонасында яз көне икенче чират ачылачак. Бу ике бассейнлы – балалар һәм өлкәннәр, шезлонглар, ике киенү-чишенү урыны, перголалы (эскәмияле ябык беседкалар) булган коену өчен ясалма күл.  Ә иң мөһиме - анда су махсус чистарту системасы белән чистартылачак. Нигез әзер, зур пергола һәм чистарту өчен җиһазлар урнаштырылган.  Ачылу өчен калган кече архитектура формалары белән тәэмин итүне һәм, әлбәттә, су коену сезонын көтәргә кирәк.
    Ә менә «Зәңгәр лагуна» да чып-чын «сугышчан» мачталы, ике палубалы, пушкалы һ.б. булган кораб урнаштырылган үзенчәлекле балалар мәйданчыгын кышын да ачарга була. Бу чараның төп катнашучылары - олы абыйлар һәм апалар түгел, ә балалар – Яңа Чишмә урта мәктәбенең 1-4 сыйныф укучылары булды.
    - Бу ял итү зонасы - җәмәгать киңлекләрен үстерү республика программасын гамәлгә ашыруның дәвамы, - дип сөйләде безгә район башкарма комитетының төзелеш, архитектура һәм торак-коммуналь хуҗалык бүлеге җитәкчесе Валентина Извекова. - Яңа ял зонасының бәясе 10 миллион сумга якын. Корабтан тыш, балалар зонасында ике эскәмия-таган, гади эскәмияләр, урам чәчәкләре өчен вазоннар һәм фонарьлар белән урамнарны яктырту баганалары урнаштырылган.


    Балалар йөгерешеп корабка чаптылар, аны төрле яктан тикшерделәр, анда булган барлык нәрсәләрне карадылар. Һәркайда «менә сиңа мә! Бу бит искиткеч!» дигән сүзләр генә ишетелде. Район мәдәният йорты аниматорлары аларны түгәрәккә бастырып, төрле уеннар уйнадылар, заманча балалар мәйданчыгы нинди программа буенча барлыкка килүен сөйләделәр. Һәр бала винтлы трап буйлап тәгәрәде, ә аста аларны тәмле сый көтә иде. Өлкәннәр балаларга күңелле дә, тәмле дә булсын дип тырыштылар.
    29 ноябрьдә программа кысаларында Ленин урамындагы ял итү скверында 13 урам тренажеры урнаштырылды. Тиздән биредә ике пергола - эскәмияле ябык беседкалар куелачак. Скверны җиһазландыру бәясе 950 мең сумга якын. Район үзәгендәге өч катлы йортлар ишегалдында балалар мәйданчыгы урнаштырылган, анда комлык, «Вагонлы локомотив» уен комплексы һәм балалар спорт комплексы бар. Барлык җиһазлар (паркта, скверда һәм ишегалдында) Яр Чаллыдагы төзелеш оешмасы тарафыннан бер атна эчендә монтажланды, дип хәбәр итте безгә Валентина Извекова.

    Ольга ИВАНОВА.
    Автор фотосы

     

    Нравится
    Поделиться:
    Реклама
    Комментарии (0)
    Осталось символов: