Балалар сугыш турында шигырьләр сөйләделәр

Чарада гимназия, район үзәгенең урта һәм башлангыч мәктәпләре, Екатерина мәктәбе укучылары һәм Яңа Чишмә авылының балалар бакчаларында тәрбияләнүчеләр - барлыгы 30лап кеше катнашты. Марафонны ҮКС оештырды, Үзәк һәм балалар китапханәләре хезмәткәрләре алып барды.
Бу вакыйга хөрмәтенә якташларыбыз - сугыш һәм тыл ветераннарының фотолары белән «Хәтер дивары» стендын булдырганнар, балалар шигырьләрне шул стенд янында сөйләделәр. Марафонда катнашучыларны район башкарма комитеты җитәкчесе урынбасары Александр Еронтьев сәламләде.

- Безнең Җиңүебезгә, илебезнең хәрби тарихына бик күп шигырьләр һәм әсәрләр багышланган. Һәм сез, балалар, бу бөек дата турында белергә, безнең геройларны беркайчан да онытмаска тиешсез, - диде ул. Мәдәният бүлеге начальнигы Галина Носова мәктәп укучыларын патриотик тәрбияләүдә сугыш турындагы шигырьләрнең роле зур булуын билгеләп үтте. Чыгыш ясаучыларның икесе дә конкурсантларга уңышлар теләделәр.

Жюри шигырьләрне матур сөйләүгә генә түгел, ә балаларның тышкы кыяфәтләренә дә бәя биргән. Чөнки балалар мондый шигырьләрне Бөек Ватан сугышы солдатларының хәрби формасын киеп сөйләгәндә, аларны яхшырак аңлыйлар, тирәнтенрәк кабул итәләр. 

«Сугыш турындагы шигырьләрне гаилә белән уку» номинациясендә Поляковлар гаиләсе - әниләре, өлкән һәм кече кызлары һәм Нурмиевлар гаиләсе - әби һәм онык катнаштылар. Беренче гаилә К. Симоновның «Жди меня и я вернусь», икенчесе Җиңү турында шигырь укыды. Балалар бакчасында тәрбияләнүче сабыйлар да конкурста чыгыш ясадылар. Балалар өйрәнгән шигырьләрне матур итеп сөйләделәр, барысы да хәрби формага киенгән иде. Катнашучы малайлар тамашачыларны кызыл, зәңгәр һәм яшел хәрби башлыклар киеп, кулларын баш турысына куеп сәламләделәр. Барлык балаларга да катнашу өчен дипломнар тапшырылды.

Марафонда шулай ук барлык яшьтәге мәктәп укучылары да чыгыш ясады. Самуил Маршак («Мальчик из села Поповки»), Муса Җәлил («Кызыл ромашка», «Чулочки»), Георгий Рублев («Памятник»), Татьяна Овчинникова (1942 елның көзендә Витебск өлкәсенең Реповщина авылында тере килеш яндырылган кешеләр истәлегенә «Живое пламя»), Роберт Рождественский («Встань, лейтенант!») шигырьләре, Варвара Вольтман-Спасская (блокадалы Ленинград турында шигърияттән «Чашка») һәм башка әсәрләр яңгырады.

Жюри киңәшмә бүлмәсенә киткәч, китапханә хезмәткәрләре балалар белән уеннар уйнадылар, сугышта катнашучы бабалары турында сөйләргә тәкъдим иттеләр. Күп кенә балалар үз фикерләрен белдерделәр һәм үз гаиләләренең геройлары турында белүләрен күрсәттеләр.

Ниһаять, иң яхшы шигырь укучыларның исемнәре игълан ителде: 3 урында -  Кашаев Дмитрий, Елена Кузнецова, Даниил Козлов. Беренче ике урынны апалы-сеңелле Лиза һәм Виктория Александровалар алды, һәркайсы үз шигырен сөйләде. Алар иң талантлы һәм эмоциональ укучылар дип танылды. Икенче урынны бирмәскә карар ителде. Гаилә конкурсында 1 урын өчен диплом Поляковлар гаиләсенә, 2 урын өчен Нурмиевлар гаиләсенә тапшырылды. Марафон тәмамлангач, оештыручылар конкурсантларга актив катнашулары өчен рәхмәт белдерделәр: «Балаларның барысы да булдырдылар!», - дип билгеләп үтте ҮКС директоры Светлана Мартышова.