Барыннан да элек - уяу булу кирәк

Диверсия актларын әзерләүдә һәм башкаруда катнашырга мөмкин булган шикле затларны ачыклау өчен торак секторны, тулай торакларны һәм кунакханәләрне, сәнәгать, сәүдә, төзелеш объектларын, хезмәт күрсәтү өлкәсен тикшерү буенча чаралар комплексы турында ЭЭБ начальнигы Александр Митрясов мәгълүмат җиткерде. 

Барыннан да элек торакны арендага алучы (анда БПЛАлар саклау билгеләре булган), теркәлүдән баш тартучы, кибетләрдә озак вакыт саклана торган ризыклар, кием-салымнар, инструментлар, химик эремәләр, агулар һ. б. сатып алучы яңа килгән кешеләргә игътибар итәргә кирәк.

 - Безнең районда моның белән бәйле булган хәлләр торышы тыныч, ләкин уяулыкны югалтырга ярамый, - диде Ринат Фәсахов.- Су алу җайланмаларын,  буш торган йортларны, социаль объектларда хезмәткәрләрне кертү тәртибен даими тикшереп торырга, сак хезмәткәрләре белән өстәмә инструктажлар үткәрергә, электр энергиясе, газ, су белән өзлексез тәэмин ителешне оештырырга кирәк. 

Татарстанның хокук саклау структуралары республика халкына гамәлләрендә терактлар әзерләү һәм башкару билгеләре чагылган теләсә кайсы шикле затлар турындагы мәгълүматларны түбәндәге телефон номерлары буенча тапшыруны сорап мөрәҗәгать итә: 

Ашыгыч хезмәт - 112 ТР буенча ЭЭМнең кизү тору хезмәте - 291-30-21 Россия федераль куркынычсызлык хезмәте идарәсенең (УФСБ) ТР буенча кизү тору хезмәте - 231-45-55 Яңа Чишмә районы ЭЭБнең кизү тору часте - 02, 2-26-73.