Бер көнлек фирмалар белән көрәш

Утырышта районның РПФ, салым хезмәте, башкарма комитет, суд приставлары хезмәтләре, күзәтчелек эшчәнлеге, росреестр һәм полиция бүлекләре вәкилләре катнашты. Эш барышында хәлләр торышының берникадәр стабильләшүе, яңа теркәлү очракларының булмавы, салым органнары тарафыннан әлеге оешмаларны теркәү исәбеннән төшерү буенча планлы эш алып барылуы турында билгеләп үтелде. 2014 елда 100 дән артык бер көнлек фирмалар теркәү исәбеннән төшерелде. Бер адрес буенча күпләп теркәү очракларын булдырмау максатларында РПФ бүлеге тарафыннан һәр көнне юридик затларны исәпкә кую фактлары мониторингы үткәрелә. Шулай итеп, июньдә әлеге адрес буенча кабат исәпкә куелган 7 фирма ачыкланды, бу хакта тиз арада прокуратурага һәм салым органнарына хәбәр ителгән. Нәтиҗәдә әлеге оешмаларның инде исәптә торганлыгы һәм башка регионда яңадан теркәлүләре ачыкланды, тик ФНС МРИ әлеге теркәүне законсыз дип таныды һәм алар яңадан кайтты. Утырышта шулай ук башка регионнан Бельграно ҖЧҖ-ның Петропавел авыл җирлегенә керүче Лебедка авылында (ул фактта юк) яңадан теркәлү мәсьәләсе дә тикшерелде. Салым органнары тарафыннан кабаттан теркәлүгә карата шикаять бирелгән иде, әмма шикаять канәгатьләндерелмәде.

Ведомствоара утырыш эше төгәлләнгәндә эшче төркем әгъзалары алдында торган төп бурычлар билгеләнде, бигрәк тә: бер көнлек фирмаларны исәптән төшерү буенча эшне дәвам итәргә, ялган фирмаларга арендага биреп торучы (бина милекчесе) Тритон ҖЧҖ оештыручыларына йогынты ясауда өстәмә чаралар эшләп чыгарырга, күпләп теркәүнең яңа адресларын булдырмау максатларында, шул исәптә Лебедка авылында да, даими теркәү мониторингы үткәрергә.