Безнең Ләйсән «Энҗе Нечкәбил " булды

Конкурс ел саен Татарстан Республикасы мәдәният, Мәгариф һәм фән, Хезмәт һәм мәшгульлек министрлыклары ярдәмендә Татарстан Республикасы Президенты Рөстәм Миңнеханов тарафыннан " Нык гаилә” федераль партия проекты кысаларында оештырыла.
Беренче зона этабы 21 сентябрьдә Яңа Чишмәдә узды,ул финалга иң күп катнашучыга – 5 гаиләгә, шул исәптән безнең районны тәкъдим иткән Ләйсән һәм Камил Салиховлар гаиләсенә дә юллама бирде.
Әниләр көненә багышланган конкурс финалында барлыгы Татарстан Республикасының 10 районыннан 12 гаилә катнашкан (47 катнашучы арасыннан сайлап алынган). Алар үзләренең матур гаилә тарихларын, мәңгелек гаилә кыйммәтләрен, ана булу, мәхәббәт һәм мәрхәмәтлелек турында сөйләгәннәр.
Ләйсән һәм Камил Салиховлар чыгышында аларның өч кызлары, Ләйсәннең әтисе, Камилнең әнисе, абыйсы Илдар һәм башка туганнары, ярдәмче төркемендә " Шешминка» ансамбле, РМЙ артистлары катнашкан. «Гаиләнең алтын башагы» дип аталган сценарий тату гаиләне - авыл хезмәтчәннәренең, байтак еллар авыл хуҗалыгында җитәкче булып эшләгән Ләйсәннең әтисе, берничә буын укытучыларның гаилә династиясен (аларның гомуми педагогик стажы 200 елга якын) тәкъдим итте. Ләйсән, аның ире Камил - инде дүртенче буын укытучылар вәкилләре. Моннан тыш, Яңа Чишмә районында туып-үскән Ләйсән үзенең кече ватанында яши һәм хезмәт куя. 
- Конкурста катнашу – бу олы хөрмәт һәм зур җаваплылык кына түгел, ә берни белән дә чагыштырып була алмаслык эмоциональ тәэсирләр дә әле, - дип сөйләде Ләйсән. - Без катнашучыларның барысы белән дә кабат танышып чыктык, нык, зур «Нечкәбил» гаиләсенә әверелдек. 
Конкурска кертелгән матур чыгышлар арасында биюләр дә бар иде – без Камил белән вальс биедек. Чыгыш ясау өчен күлмәкләрне безгә махсус тегеп бирделәр. 
Безнең финалчылар  лаеклы чыгыш ясаган һәм Ләйсән «Энҗе Нечкәбил» титулын яулаган - бу 3 нче урын. Ул тагын берничә номинациядә җиңүче булган, мәсәлән, «Җаваплы Нечкәбил», шулай ук ТР Мәгариф һәм фән министрлыгы исеменнән Рәхмәт хаты һәм бүләк, ТР Иҗтимагый палатасы һәм Республика профсоюз комитеты исеменнән грамоталар һәм бүләкләр белән билгеләп үтелгән. Чөнки Ләйсән район мәгариф бүлегенең әйдәп баручы белгече, район мәгариф хезмәткәрләренең профсоюз оешмасы рәисе буларак иҗтимагый эш алып бара. Ул-актив, максатка омтылучан, профессиональ дәрәҗәдәге заманча хатын-кыз-ана.
Әлмәттән 11 бала әнисе Лилия Даишева  ”Алтын Нечкәбил” титулына ия  булган. Лилиянең кечерәк балалары - игезәкләре 7 ай элек туган, ә менә бала тудыру йортында туган бер сабый (әнисе баланы алудан баш тарткан) гаиләдә 11 нче бала булып исәпләнә. Лилия аны үзенең сабыйлары белән бергә тәрбияли.  Яшел Үзәннән Кристина Попова «Көмеш Нечкәбил» титулына ия булган. Чирмешән районының Әккәрәй авылыннан 79 яшьлек тол хатын-кыз Раиса Кузьминична Квакова конкурстан тыш финалга чыгучыларның берсе. Ул 10 бала тәрбияләп үстергән, ә бүген 12 онык һәм 6 оныкчык тәрбияләп үстерергә булыша.
- Бу тормышта болай гына берни дә үтми, - дип үзенең тәэсирләре белән уртаклашуын дәвам итте Ләйсән. - Конкурста катнашу ул үзенә күрә бер дәрес һәм тормышта зур тәҗрибә булды.  Конкурста катнашып, син башка гаиләләр, аларның язмышлары белән танышасың. Безнең республикада никадәр матур һәм нык гаиләләр яшәвенә сокланасың. Аларның һәркайсы уникаль һәм җиңүгә лаек. 
- Конкурста җиңүчеләр өчлегенә керермен дип көтмәгән идем, чөнки катнашучыларның барысы да җиңүгә лаеклылар иде. Тик мин бу җиңүне үземнеке дип санамыйм. Әлбәттә, җиңү булды, әмма үз-үземне. Зур сәхнәгә чыгу һәм гаиләң белән таныштыру, республикада үзеңнең тормыш позициясе турында сөйләү - бу минем өчен җиңү. Ә конкурстагы җиңүне мин районныкы дип саныйм, чөнки тавыш бирү, репетицияләр һәм куелышлар бик күп булды һәм монда миңа ҮКС, БСМ хезмәткәрләре һәм анда шөгыльләнүчеләр, туганнарым, хезмәттәшләрем, гаиләм һәм район халкы нык ярдәм итте. Барысын да калдырып, катнашудан баш тарту теләге туганда, мине алар каршындагы, үз районым алдындагы җаваплылык хисе саклап калды. Чөнки алар миңа ышана һәм миннән җиңү көтә иде. 
Конкурста катнашучыларның барысы да үзләрен эштә уңышлы һәм кайгыртучан хатын, яратучы әни, гаилә учагын һәм гаилә кыйммәтләрен саклаучы була алуларын тагын бер кат раслады. Алар барысы да матур, акыллы һәм талантлы. Аларның яше дә, һөнәре дә төрле, әмма аларны бер нәрсә – тормышларында төп уңыш берләштерә, бу - гаилә.
- Конкурста безгә булышучыларның һәммәсенә дә олы рәхмәтемне белдерәм, - диде соңыннан Ләйсән. - Һичшиксез, безнең призлы урын алуыбыз район җитәкчелегенең, аеруча район башкарма комитеты җитәкчесе урынбасары Валентина Семеняк, мәдәният хезмәткәрләре һәм барлык туганнарыбыз ярдәме белән мөмкин булды. Шулай ук алдагы елларда катнашучыларга - район «Нечкәбил» ендә чыгыш ясаучыларның барысына да ярдәм итүләре һәм булышлык күрсәткәннәре өчен олы рәхмәтемне белдерәм! Бу безнең уртак җиңү. Барыгызга да сәламәтлек, игелек һәм иминлек, районыбызның барлык гаиләләренә сәламәтлек, ныклык телим, бер-берегезне һәм гаиләгезне саклагыз, алар барысыннан да мөһимрәк! 
Ольга ИВАНОВА.