Яңа Чишмә районында Өлкәннәр ункөнлеге үте

Авыл җирлекләре башлыклары торак пунктларда өлкәннәргә изге теләкләр теләп, азык-төлек пакетлары тапшырганнар.  Барлыгы - 1143 азык-төлек җыелмасы. 

5 һәм 7 октябрьдә Петропавел Бистәсеннән Быковлар гаиләсен юбилейлары белән (85 һәм 90 яшь) «Кайгырту» ХСХКҮ һәм җирле мәдәният йорты коллективы котлаган.

 ХСХКҮнең өйгә барып хезмәт күрсәтү бүлеге хезмәткәрләре 127  фатирда һәм йортларда генераль җыештыру оештырганнар, ункөнлек дәвамында туган көннәре булучыларны котлаганнар.

Гаиләгә һәм балаларга социаль ярдәм күрсәтү бүлеге белгечләре «Йолдыз» волонтер отряды белән берлектә өлкәннәр һәм инвалидлар өчен интернет-йортта булганнар. Волонтерлар әби-бабайларны котлаганнар, шигырьләр сөйләгәннәр, татлы бүләкләр белән сөендергәннәр.

Авыл китапханә-ләрендә өлкәннәр белән «Тормыш гел матур», «Безгә еллар киртә түгел», «Яхшылык нурлары бүләк итик», «Тормышның көзе җылы булсын», «Син кышны да, җәйне дә санама» дигән очрашулар узган. Бәйрәм көннәрендә җылы атмосферада яраткан җырлар һәм такмаклар яңгыраган, тематик күргәзмәләр оештырылган. Китапханәчеләр олыларга өйдә уку өчен китаплар һәм яңа журналлар алып килгәннәр.

РҮХ хезмәткәрләре дә азык-төлек пакетлары тапшырып, хезмәт ветераннарын котлаганнар.

4 октябрьдә район башлыгы Вячеслав Козлов һәм Яңа Чишмә авыл җирлеге башкарма комитеты җитәкчесе Татьяна Маланчева интернат-йортта булганнар. Кунаклар социаль хезмәт алучыларны өлкәннәр көне белән котлаганнар. Концертлар, мастер-класслар, «Котлаулар кабул итегез» акциясе белән Красный Октябрьдән «Задорушка» ансамбле, Ленино һәм Тубылгы Тау АМЙ артистлары, үзәк китапханә волонтерлары, Новотроицк  авылы мәктәбе һәм АМЙ волонтерлары һәм Ямаш АМЙ артистлары килгән. Әлмәтлеләр шулай ук Ямаш халкы  тарафыннан җыелган бүләкләр һәм сувенир открыткалар алып килгәннәр.

Туган якны өйрәнү музее интернат - йортта традицион «Игелекле куллар иҗаты» декоратив иҗат күргәзмәсе оештырган.

 Өлкәннәр көне алдыннан интернатта яшәүче Нина Болдова һәм Николай Ронин өлкәннәр һәм инвалидлар өчен интернат-йортларда социаль хезмәт алучылар арасында үткәрелгән «Туган як осталары» конкурсында призлы урыннар яулаганнар.  Интернат-йортның «эчке волонтерлары» тарафыннан фотозона һәм үзләре ясаган оригиналь фоторамкалар күргәзмәсе әзерләнгән.

Гөлнур Хәйруллина интернат-йортка барып, биредә яшәүче 15 кешегә чәчтараш хезмәте күрсәткән.

Район мәктәпләрендә «Өлкән яшьтә булсалар да, йөрәкләре яшь», «Картлыкны хөрмәт ит», «Әйләнә-тирәбездә игелек», «Игелек һәм шәфкать» дигән сыйныф сәгатьләре үткәрелгән. Укучылар әби-бабайлар өчен бәйрәм открыткалары ясаганнар.

Мәктәп укучылары өлкән яшьтәге кешеләрнең өйләренә барып, аларга хәлдән килгәнчә ярдәм күрсәткәннәр, шундый ук «Игелекле эшләр атнасы» акциясен Яңа Чишмә авылының «Аҗаган» яшүсмерләр клубы да оештырган. Халыклар дуслыгы йортында тантаналы рәвештә Өченче буын университетында яңа уку елы ачылган.

8 октябрьдә район үзәгендә Өлкәннәр көненә багышланган авыл хуҗалыгы ярминкәсе узды.

Ункөнлекне үткәрүдә хәйрия ярдәме күрсәткән оешмаларны санап үтәбез: «Агро-Раздолье» ҖЧҖ - 90 мең сум, «Г. Г. Әхмәтвәлиева» КФХ - 16,6 мең сум, «Аксу - Агро» ҖЧҖ - 30,8 мең сум, Яңа Чишмә электр челтәрләре - 18 мең сум, Газпром - 42 мең сум, РУЭС - 14,5 мең сум, ветстанция - 2 мең сум, район башкарма комитеты - 17 мең сум. Гомуми сумма - 947,7 мең сум тәшкил иткән.

Район башлыгы Вячеслав Козлов хәйрия ярдәме күрсәткән химаячеләргә рәхмәт белдергән һәм барысына да ныклы исәнлек, иминлек теләгән.