Яңа Чишмә Туган якны өйрәнү музеенда чынаякларга рәсем төшерү буенча мастер-класс узган

Бизәкләр ясауга керешкәнче, танып-белү әңгәмәсе булган. Балалар рәсемнең барлыкка килү тарихын, аның төрләрен, осталарның ниләргә рәсем төшерүләрен белгәннәр, халык һөнәренең үзенчәлекләрен ачыклаганнар. Үзләрен халык остасы ролендә сынап карау идеясе балаларның күңелләренә хуш килгән. Һәркем үзенә ошаган бизәкне сайлап алып, аны чынаякка күчергән. Эшләнмәләр төрледән-төрле һәм матур килеп чыккан.

Мондый чаралар балаларны чын рус иҗатына җәлеп итәргә мөмкинлек бирә.