Яңа Чишмә халкы мәгариф өлкәсендәге коррупция турында ниләр уйлый

Сораштыруда барлыгы 136 кеше катнашкан.

Сораштыручыларның 97,8 %ы быел район мәгариф системасында коррупция күренешләренә юлыкмаганнарын әйткән. 5 респондент чәчәкләр, сувенирлар, кәнфитләр, канцелярия товарлары рәвешендә ришвәт бирергә туры килүен хәбәр иткән. Сораштыруда катнашучыларның 7,4 проценты мәгариф системасында аффилирланган кешеләр (туганлык яки дуслык мөнәсәбәтләрен кулланып эш итүчеләр) белән бәйле эш урыныннан дөрес файдаланмау очраклары турында белүләрен әйткән.

Респондентларның 100 %ы, районның мәктәпкәчә белем бирү учреждениеләрендә (балалар бакчаларында) бала өчен урын алу белән проблемалар юк, дигән.

Мәктәп, балалар бакчасы ихтыяҗларына мәҗбүри акча җыю очраклары бармы-юкмы дигән сорауга респондентларның 83,1 проценты мондый очраклар юк дип җавап биргән, 14 % бу сорауга җавап бирүдә кыенлыклар кичергән, ә 2,9 % мондый практика бар дип әйткән.

Респондентларның 22,1 % мәгариф системасында коррупция күпкә кимегән, ә 11 проценты барысы да шул ук дәрәҗәдә калган дип саный. Сораштыручыларның 2,2 %ы коррупция очраклары күпкә арткан дип саный, 64,7 % җавап бирүдә кыенлыклар кичерә.

Яңа Чишмә районы башлыгының коррупциягә каршы тору мәсьәләләре буенча ярдәмчесе Ирина Лобачева, тел.: 89172870300