Яңа Чишмәдә «Кызыл канәфер» акциясенә старт бирелгән
Туган якны өйрәнү музеенда көмеш волонтерлар «Кызыл канәфер» акциясе кураторы Людмила Сәйфетдинова белән очрашканнар, анда Яңа Чишмә районында көмеш волонтерлар җитәкчесе Елена Захаровага экипировка, бокс һәм кызыл канәферләр тапшырылган.
Шул рәвешле Яңа Чишмә районы территориясендә «Кызыл канәфер» акциясенә старт бирелгән.
Очрашу дустанә һәм җылы атмосферада узган, Людмила Леонидовна акциянең тарихы, аның үсеш алуы, җыелган акчаларның ниләргә тотылачагы турында сөйләгән.
«Кызыл канәфер» фонд символы гына түгел, ә шул ук исемдәге акция ярдәмендә Бөек Ватан сугышы һәм башка хәрби хәрәкәтләр ветераннарына безнең ярдәм символы да. Ел саен «Кызыл канәфер» значогы челтәр кибетләре, волонтерлар һәм фонд партнерлары аша бөтен ил буенча таратыла.
Сатып алынган «Кызыл канәфер» значокларыннан кергән акчалар Россия ветераннарына медицина ярдәме күрсәтүгә: медикаментлар, инвалид коляскалары, колак аппаратлары, протезлар һәм башка бик күп нәрсәләр сатып алуга юнәлтелә. Безнең районда акциягә кушылыгыз һәм ветераннарга ярдәм итүгә үз өлешегезне кертегез!
Куратор Людмила Сәйфетдинова кулыннан беренче кызыл канәфер Яңа Чишмә районындагы көмеш волонтерлар җитәкчесе Елена Захаровага тапшырылган.
Акциягә Туган якны өйрәнү музее хезмәткәрләре дә кушылган.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев