Яңа Чишмәдә - Вил Усманов концерты

22 октябрьдә РМЙда Татарстан Республикасының халык артисты Вил Усмановның «Кино һәм музыка» хәрби - патриотик концерты булып узган.

Вил Усманов концерты яшь буынга илебез музыка сәнгате тарихында якты эз калдырган һәм чын патриотизм үрнәгенә әверелгән легендар композиторлар, шагыйрьләр һәм музыкантлар иҗатын тәкъдим иткән. Сугыш турындагы җырларда киләчәк буын вәкилләре горурлансын һәм алардан үрнәк алсын өчен бабаларыбызның каһарманлыклары чагылыш алган.

Концерт программасында төрле еллардагы Совет һәм Россия кинофильмнары һәм сериалларыннан җырлар яңгыраган: «17 мгновений весны», «Освобождение», «Небесный тихоход», «Щит и меч», «Тишина», «Не родись красивой», «Молодёжка», «Король и шут», «Трудные подростки», «Чебурашка» һ. б.