Яңа Чишмәдәге Туган якны өйрәнү музеенда «Әти өчен открытка» дип аталган мастер-класс узган

Көз уртасында шактый яшь, ләкин бик мөһим һәм игелекле бәйрәм – Әтиләр көне билгеләп үтелә. Аны ел саен - октябрьнең өченче якшәмбесендә оештырыла. Бу мөһим дата уңаеннан Туган якны өйрәнү музее хезмәткәрләре яраткан әтиләре өчен котлау открыткалары ясау буенча мастер-класс үткәргәннәр. Чарада «Золотой ключик» балалар бакчасында тәрбияләнүчеләр катнашкан.

Балалар зур энтузиазм белән һәм иҗади якын килеп котлау открыткаларын үз куллары белән ясаганнар. Открыткалар чыннан да искиткеч матур килеп чыккан. Теләсә кайсы әтигә улыннан яки кызыннан шундый сувенир алу рәхәттер!

Әтиләр көне - үз әтиеңне ярату һәм аңа рәхмәтеңне белдерү, аның белән аралашу, үз фикерләреңне һәм хисләреңне уртаклашу өчен менә дигән мөмкинлек.