Илгиз Гамируллин: «Үз эшеңне тапсаң, кечкенә авылда да уңышка ирешә аласың»

Илгиз 2009 елда Ленино урта мәктәбен тәмамлый, шуннан соң Казан механик-технология техникумына укырга керә.

Укуын тәмамлап, Илгиз «Ямашнефть»тә эшли. Хәзерге вакытта скважиналарны тикшерү буенча оператор.

Төп эшеннән тыш, Илгиз чүкеп ясау эше белән дә шөгыльләнә. Бу аның мавыгуы (хобби) гына түгел, ә өстәмә табыш алу да.

Өч ел эчендә Илгиз шушы үз эшендә зур уңышларга ирешкән, аны чын оста дип тә атарга була. Хәзер ул Радик Әхмәтсафин белән бергә эшли.

Алар Яңа Чишмә районында яшәүчеләр арасында зур популярлык казанды, чүкеп ясалган төрле әйберләргә заказлары да күп.

Илгиз бөтен яшьләргә үрнәк, хәтта кечкенә генә авылда да үзеңә шөгыль табып, моңа көч куеп, уңышларга ирешергә була.