Халыкара тынычлык көне: бәйрәм турында Яңа Чишмә районы балаларына сөйләделәр

Бу көн уңаеннан 17 сентябрьдә М.Фәйзи исемендәге Шахмай авылы тарихы музеенда Шахмай урта мәктәбенең 5 һәм 7 сыйныф укучылары белән «Без тынычлык өчен» дип исемләнгән әңгәмә узды. Балалар бу көннең килеп чыгуы, балалар - дөнья илчеләре Саманта Смит һәм Катя Лычева турында белделәр. Әңгәмә «Алар Җиңү белән кайттылар» экспозициясе янында тәмамланды. Балалар безгә тыныч күк йөзе бүләк иткән ветераннарның фоторәсемнәрен зур кызыксыну белән карадылар.

18 сентябрьдә Архангел авыл мәдәният йорты хезмәткәрләре мәктәп укучылары белән "Дөнья балаларына тынычлык" дип исемләнгән тематик сәгать үткәрделәр. Балаларга бәйрәм тарихы турында сөйләделәр, бүгенге тынычлыкка нинди бәягә ирешелгәнлеге, узган ике дөнья сугышы, локаль конфликтлар, терроризм куркынычы турында искә төшерделәр, балаларны һәм яшүсмерләрне бер-берсенә карата мәрхәмәтлерәк булырга өндәделәр.