Кул эше осталары мастер-класслар үткәрә

3 мартта Новоиванаево мәдәният йортында Светлана Минникеева җепләрдән беләзекләр үрү буенча мастер-класс үткәргән. Балалар браслет үрү техникасы һәм аның төрле ысуллары турында күп нәрсәләр белгәннәр. Һәркем үзе өчен оригиналь беләзек ясарга тырышкан. Барлык катнашучылар да мастер-класстан канәгать калганнар.

...һәм открыткалар ясарга өйрәнгәннәр

8 Март бәйрәме алдыннан Чертуш мәдәният йорты хезмәткәрләре «Кояшлы дөнья» клуб оешмасында катнашучылар өчен «Әнигә бүләк» дигән мастер-класс үткәргәннәр.
8 март - беренче язгы бәйрәм. Открытка - яраткан әниләр һәм әбиләр өчен искиткеч бүләк, чөнки балалар аны күңел җылысын биреп ясаганнар.