Ленино мәдәният йорты хезмәткәрләре укучылар белән «Терроризмга — юк, дип әйтик!» дип аталган әңгәмә үткәргәннәр

Укучыларга террорчылыкның җитди проблемага әйләнүе турында сөйләгәннәр һәм террорчылык куркынычы янаса үзеңне ничек тотарга кирәклеге турында аңлатканнар. "Крокус Сити Холл"да булган фаҗигале вакыйгаларга аерым игътибар бирелгән. Теләсә нинди ситуациядә уяу һәм сак булырга кирәк. АМЙ бинасы буйлап йөреп, эвакуация планын, запас чыгу юлларын караганнар, чара ахырында "Крокус Сити Холл"да террорчылар кулыннан һәлак булганнарны бер минутлык тынлык белән искә алганнар.