Мәхәббәт һәм тугрылык
Әсәдулла абый белән Зөбәйрә апа Төхбиевлар (рәсемдә) быел зөбәрҗәт туйларын - бергә гомер итүләренә 55 ел тулуны билгеләп үтәләр. Мәхәббәтен һәм тормыш иптәшен Әсәдулла абый яшь чагында эшләргә дип барган җирендә - Лениногорскида очрата, Зөбәйрә апа үзе Чирмешән якларыннан. Туйдан соң алар яшәргә Татар Әдәмсәсе авылына кайталар. Әсәдулла абый Сельхозхимиядә...
Әсәдулла абый белән Зөбәйрә апа Төхбиевлар (рәсемдә) быел зөбәрҗәт туйларын - бергә гомер итүләренә 55 ел тулуны билгеләп үтәләр.
Мәхәббәтен һәм тормыш иптәшен Әсәдулла абый яшь чагында эшләргә дип барган җирендә - Лениногорскида очрата, Зөбәйрә апа үзе Чирмешән якларыннан. Туйдан соң алар яшәргә Татар Әдәмсәсе авылына кайталар. Әсәдулла абый Сельхозхимиядә тракторчы булып, Зөбәйрә апа Калинин исемендәге колхозда төрле эшләрдә эшли. Шушы еллар эчендә алар үз һөнәрләренә тугры калып, башта балаларына, аннан оныкларына үрнәк булганнар. Бергә гомер итү дәверендә дүрт бала тәрбияләп үстергәннәр, хәзер сигез оныклары, өч оныкчыклары бар. Хәзергесе вакытта алар зур йортта яшиләр, хуҗалыклары да зур: өч сыер асрыйлар, үз инкубаторларында каз бәбкәләре, чебешләр чыгарып үстерәләр, бакчалары да зур. Әсәдулла абыйга инде 81 яшь, өлкән яшьтә булуына карамастан, ул әле печән дә хәзерли, малларны да карый. Яннарында киленнәре Гөлчәчәк яши, ул бар эштә дә булыша.
Төхбиевлар йорты - мәхәббәт һәм тугрылык үрнәге, биредә никах, гаилә җепләре нык бәйләнгән, алар авылдашларын көнләштереп тигезлектә тату, бәхетле, озын гомер кичерәләр.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев