«Музей бабай»

«Музей бабай» дип аталган китап Зирекле халык иҗаты һәм көнкүреше музеена нигез салучы һәм аны күп еллар буе җитәкләгән Мидхәт Газыймовның тормышы һәм эшчәнлеге турында сөйли. 

Мидхәт ага Газыймовның эшен аның укучысы һәм көрәштәше Лидия Лотфуллина дәвам итә, әлеге китап аның һәм М. Г. Газыймовның кызы Алсу Шәрипҗанова ярдәмендә дөнья күрә. 
«Яңа Чишмә районы тарихын саклаучы, җәмәгать эшлеклесе, галим Мидхәт Газыймовка багышланган бу китапта музей эшчәнлеге турында сөйләүче бүлекләргә дә шактый урын бирелгән: Мидхәт Газыймовны районда гына түгел, республика дәрәҗәсендә дә беләләр һәм хөрмәт итәләр. Мидхәт Гариф улының фәнни-популяр тарихи хезмәтләре, басылган китаплары, чыгышлары безгә аның турында зур хәреф белән тарихчы, үз милләтен һәм тарихи мирасын саклаучы буларак истәлек калдырды, — ди Мидхәт Газыймов исемендәге музей директоры Лидия Лотфуллина.

— Газыймовлар нәселе турындагы мәгълүматлар Мидхәт Гариф улының күпкырлы шәхес булуын аңларга ярдәм итәчәк һәм ул нинди кеше, нинди әти, нинди сыйфатларга ия булуын сөйләячәк.

„Музей бабай“ дип аталган китап Казанда РИЦ „Школа“ типографиясендә 500 данә тираж белән, аның гаиләсенең акчасына басылган.

Китапның тәкъдир итү көне якын араларда игълан ителәчәк. Барлык теләүчеләрне музейга чакырабыз, керү бушлай».