Музейда Халыклар бердәмлеге көненә квест

Биредә Яңа Чишмә мәктәп-балалар бакчасының өченче сыйныф укучылары катнашкан. Алар төркемнәргә бүленеп, командаларына исемнәр уйлап тапканнар. Һәр команда маршрут кәгазе алган, анда станцияләрнең исемнәре һәм аларны узу тәртибе күрсәтелгән.

Беренче станция «Гимн России» дип аталган. Биредә балалар Россия Федерациясе Гимны язылган кәгазьләр алганнар. Анда кайбер сүзләр төшереп калдырылган. Квестта катнашучылар төшереп калдырылган сүзләрне әйтү генә түгел, бердәм рәвештә РФ гимнын да башкарганнар.

Икенче станция - «Народная». Монда укучыларга мәкальләрне чишәргә кирәк иде. Аннан соң берничә станцияне «үткәч», Россия турында сканвордлар һәм филвордлар чишкәннәр. 

Әлеге мавыктыргыч квест катнашучыларга Халыклар бердәмлегенең мөһимлеге турындагы белемнәрен күрсәтергә, шулай ук илебезнең бай тарихы һәм мәдәни традицияләре турында күбрәк белергә мөмкинлек биргән.