Төзекләндерү буенча икеайлык башлана

Традиция буенча ел саен апрель-май айларында районның торак пунктлары территорияләрен төзекләндерү һәм санитар чистарту буенча икеайлык үткәрелә.

17 мартта район башкарма комитетының 2025 елның 1 апреленнән 31 маена кадәр төзекләндерү икеайлыгын үткәрү турындагы карары кабул ителде.

Бу чорга чараларның җентекле планы төзелде, район башкарма комитеты җитәкчесе Ринат Фәсахов җитәкче-легендә оператив штаб төзелде.

Чаралар планы буенча территорияләрне, паркларны һәм скверларны, юлларны һәм юл кырыйларын, урманлыклар, сулыклар һәм чишмәләрне, җитештерү базаларын җыештыру һәм чистарту, агач утырту һәм яшелләндерү, биналарның фасадларын ремонтлау һәм буяу, юллардагы чокырларларны томалау, зиратларны төзекләндерү һәм чистарту, чәчәк түтәлләре ясау, рөхсәтсез чүплекләрне бетерү һ. б. буенча зур күләмле эшләр билгеләнгән.

25 апрельдә һәм 23 майда өмәләр үткәрү, шулай ук атна саен административ биналар янындагы территорияләрне чистарту һәм төзек-ләндерү планлаштырыла.

Ринат Фәсахов җитәкчелегендәге район штабы икеайлык барышын контрольдә тотачак һәм координацияләячәк. Икеайлык барышында административ комиссия даими рейдлар үткәрәчәк, санкцияләнмәгән чүп-лекләрне бетерү барышын мониторинглау өчен мәктәп экопатрульләре җәлеп ителәчәк. төзекләндерү кагыйдәләрен һәм калдыклар белән эш итү кагыйдәләрен бозган очракларда саллы гына штрафлар каралган.

«Яңа Чишмә ТКХ» МУП һәм «Гринта» ҖЧҖнә чүп-чарны оператив чыгару буенча махсус техниканың нәтиҗәле эшләвен тәэмин итү, контейнер мәйданчыкларын чиста тоту йөкләнгән. Без дә, район кешеләре дә коммуналь хезмәтләрне хөрмәт итәргә тиеш. Халык әйткәнчә, чисталык җыештырган җирдә түгел, ә чүпләмәгән җирдә була.

Быел яз иртәрәк килде һәм беркайда да кар юк диярлек. Шуңа күрә үз тирә-яныңны коелган яфраклардан һәм чүп-чардан даими рәвештә чистартып торырга кирәк.

Барлык учрежде-ниеләр һәм оешмалар-ның, районда яшәүче-ләрнең уртак эше нәтиҗәсендә без кече Ватаныбызны чистарак, матуррак һәм төзегрәк итә алачакбыз.

Бер айдан соң – көтеп алган Май бәйрәмнәре һәм истәлекле дата – Бөек Җиңүнең 80 еллыгы һәм без аларны районыбызның чиста, каралган һәм төзек  авылларында каршы алырбыз дип ышанабыз.