ТР ЭЭМ Казан халкына һәм кунакларга FIFA-2018 матчлары вакытында игътибарлы булырга куша

ТР ЭЭМ Казан халкының һәм кунакларның футбол буенча FIFA-2018 ЧМ матчларын үткәргән вакытта  аеруча да игътибарлы булуларын үтенә, дип хәбәр иттеләр ТР буенча ЭЭМ пресс – хезмәтенең “Татар – информ“ ИА-дан.
Республиканың хокук саклау органнары шик тудырган әйберләргә һәм автомобильләргә карата (аеруча халык күпләп  җыелган урыннарда) гражданнарның уяу булуларын һәм аерым игътибар күрсәтүләрен сорый.
Аеруча да спорт объектларына  һәм мондиальдә катнашучыларга югары кызыксыну хисләре күрсәтүчеләргә, шулай ук стадионга яисә чемпионатның башка объектларына нәрсә дә булса алып керүне сораган шикле кешеләргә карата игътибар итү кирәк.
ЭЭМ хезмәткәрләре күрсәтелгән очраклар турында Бердәм диспетчерлык хезмәтенең 112 телефоны буенча тиз арада хәбәр итәргә куша.
Татарстан Республикасы буенча Россия ФСБ Идарәсе Һәм ЭЭМ хезмәтләренең кизү тору бүлекләре номерлары буенча информацияне аноним бирү мөмкинлеге дә бар.
Татарстан Республикасы буенча ЭЭМ: 291-35-28, 291-23-40, 291-24-40, 291-20-02.
Татарстан Республикасы буенча Россия УФСБ: 231-45-55.
Татарстан Республикасы буенча Россия УФСБ күп каналлы телефоны: 231-49-00.