Туган якта очрашканнар

Геройлар янәшәдә

Евгений белән Павел Волчья Бистәсендә туганнар, аларның яшь аермасы нибары ел ярым гына, балачактан ук тугры дуслар булып үскәннәр. Хәтта тормыш юллары төрле якка аерылгач та, алар һәрвакыт бер-берсенең ярдәмен тоеп яшәгәннәр.

Байтак еллар узгач, язмыш аларны яңадан бергә — ил тынычлыгын саклап калу өчен көрәшкә бастырган.

Павел СВО башланганнан бирле махсус хәрби операциядә катнаша. Ул тәҗрибәле сугышчы: аның сроклы хезмәте 1998-2000 елларга туры килә. Сержант мәктәбендә укыганнан соң Дагыстан Республикасына хезмәткә җибәрелә. Аннары мотоукчылар бүлеге командиры вазыйфасында икенче чечен сугышында контртеррористик операциядә катнаша. Ул 2000 елда демобилизацияләнә, ә 22 ел тыныч тормыштан соң Ватан аны янә ярдәмгә чакыра.

2022 елның октябреннән мотоукчылар отряды составында Павел (позывное «Леший») Донбассны нацистлардан азат итә.

Апрель аенда ул өлкән абыйсы Евгенийның СВОда хезмәт итүгә контракт төзегәнлеген белгән. Евгений, Павел кебек үк, сроклы хезмәт иткән, артиллерист булган, шундый ук «эшне» ул махсус хәрби операция зонасында да башкара (позывное «Кряш»).

Павел үзенең ир-туганының кайдадыр якында гына (бер өлкәдә) икәнен белгән, ләкин Евгений белән анда очрашырга туры килмәгән. Күптән түгел туган якта очрашканнар: Евгений кыска вакытлы ялга кайткан, ә Павел, контузиядән һәм госпитальдә дәваланганнан соң, реабилитация уза. 

Евгенийны без өендә очратмадык (аның ялы төгәлләнеп килә иде), ә менә Павел һәм аларның әтисе Михаил Михайлович (элек алдынгы механизатор булган) белән очраша алдык.

Павелдан: «Ни өчен ул, ягымлы, сөйкемле яшь егет, үзенә „Леший“ дигән позывной алган?», -дип сорагач, ул шаяртып кына: «Чөнки мин урманда яшим», дип җавап бирде. 

Әңгәмәдәшләребез аз сүзле булып чыкты, Павел аларның СВОдагы көнкүрешләре турында бер-ике генә сүз әйтте: «Чиста судан башка барысы да җитә, аны экономияләргә туры килә», диде.

Ә әтиләре — Михаил Михайлович: «СВОда булыргамы, юкмы — бу карарны алар үзләре кабул итте. Ә мин хупладым гына», дигән фикерен җиткерде.