Ураза бәйрәме белән!

Бу бәйрәм белән барлык мөселманнарны район башлыгы Вячеслав Козлов һәм район башкарма комитеты җитәкчесе Ринат Фәсахов котлыйлар.

Котлауда бер ай дәвамында мөселманнарның иртәнге намаздан кичке намазга кадәр ураза тотулары, изге гамәлләр кылулары, ифтар, тәравих намазлары үткәрүләре һәм көндәлек намазлар укып рухи яктан баюлары билгеләп үтелә.

«Югары рухи миссияне тормышка ашыруда һәм изге максатларга ирешүдә уңышлар, сәламәтлек һәм иминлек телибез. Рамазан аеның яхшы башлангычлары мөселманнарның уй-ниятләрендә һәрвакыт дәвам итсен иде», - диелә котлауларда.

Бәйрәм вәгазьләре һәм гает намазлары 30 мартта районның барлык мәчетләрендә иртәнге сәгать 6 да узачак (Акбүре һәм Сөлчәбаш мәчетләрендә гает намазы 5:40 та укылачак).