Ватанны саклаучылар көнен Яңа Чишмә Картлар йортында «Чәй бәйрәме» белән билгеләп үттеләр

«Бөтен дөньяда чәй - җанга сихәтлек бирүче эчемлек. Чәй фикерләрне тәртипкә китерергә һәм рухны күтәрергә ярдәм итә. Витаминлы чәй күп кенә авырулардан бик яхшы профилактика чарасы, шулай ук чәй эчүне күңелле ритуалга да әверелдерергә мөмкин. Менә без монда яшәүчеләр өчен чәй табыны оештырырга булдык», - дип сөйләде Картлар йорты белгече Гүзәл Мостафина. - Нәкъ менә юкә чәчәге, мәтрүшкә, бөтнек, гөлҗимеш, киптерелгән җиләк-җимеш һәм лимон белән чәй кайнаттык. Барысын да бәйрәм белән котладык, нык сәламәтлек һәм күңел күтәренкелеге теләдек. Тантана сәбәпчеләре - ир-атлар үзләренең армиядә хезмәт итүләре турында сөйләп, яшьлекләрен искә алып, байтак кына уңай эмоцияләр алдылар.