«Хайваннар турында кайгырту - һәркем эше!»

«Экояз - 2024» республика конкурсы кысаларында Яңа Чишмә «Ландыш» балалар бакчасы хезмәткәрләре Яңа Чишмәгә якын урманнарда хайваннар өчен куелган җимлекләргә азык салганнар. 

Бу гуманлы акциянең ничек узуы турында безгә балалар бакчасы мөдире Наталья Ведякина сөйләде.

-«ЗооЗабота» акциясе ТР Биологик ресурслар буенча дәүләт комитетының  район бүлеге җитәкчесе Вячеслав Ведякин күзәтүе астында узды. Ул волонтерларны «урман ашханәләренә» бару өчен транспорт белән тәэмин итте. 

Кыргый хайваннарга ярдәм итү буенча активист-педагоглар - Марина Гимадеева, Айгөл Хамәтвәлиева, Людмила Иванова урманда яшәүче кыр кәҗәләре, пошилар һәм куяннар өчен сохарилар һәм тоз алып бардылар. Бу кышкы сезоннан соң һәм бала чыгару чорында хайваннарга аеруча кирәк булган продуктлар.

Урманда яшәүчеләр өчен күчтәнәчләр балалар бакчасының барлык төркемнәрдә тәрбияләнүчеләрнең гаиләләрендә ял көннәрендә әзерләнде. Волонтерлар хайваннарны тукландыру өчен әзерләнгән сохарилар һәм тозны биш мәйданчык буенча таратты. Вячеслав Владимирович балаларда табигатькә мәхәббәт, экологик грамоталылык һәм табигать белән гармониядә яши белүне тәрбияләү өчен мондый акцияләр үткәрүнең зур әһәмиятен билгеләп үтте. Ул Яңа Чишмә урманчылыгының үсеше тарихына кыска гына экскурс ясады, ул вакытта урманда хайваннар күпкә артыграк булган. Бу табигый балансны  яңадан торгызу өчен барлык кешеләрнең табигатьне саклау эшчәнлеге һәм табигый ресурсларны саклау чараларында катнашулары зарур.