Яңа Чишмә хәбәрләре
  • Рус Тат
  • Яңа Чишмә районы тарихы: ХХ гасырның 20 елларында җирле хакимият

    Акбүренең «Буыннар мирасы» музее директоры Вәсил Вәлиуллин редакциягә кызыклы тарихи мәгълүматлар җиткерде.

    ХХ гасырның 20 нче елларына кадәр җирле үзидарә җитәкчеләре вазыйфаларын старосталар башкарган икән. – Тат. Волчья авылындагы соңгы старостаның берсе Вәлиулла Мусин була, ул 1918 елда үзе кичергән шоктан соң зыян күрә һәм үлә. Еллар узгач, Вәлиулла Мусинның нәселе кешеләре, иске келәтне сүткәндә, староста мөһерен тапканнар, - дип яза Вәсил Вәлиҗан улы.


    - Совет власте оешуның беренче елларында ук Тат. Волчья авылында җирле хакимият органы - авыл советы барлыкка килә. 20 нче елларда Хәлиулла Мусин (1879 - 1938) авыл советы рәисе итеп сайлана, аннары кабат сайлана, Минаҗетдин Гыймалетдинов (1888) секретарь булып сайлана, алар ТАССР төзелгәннән соң җирле хакимиятнең беренче вәкилләре була.  Егерменче еллар ахырында Минаҗетдин Гыймалетдинов авыл советы рәисе булып эшли. Әлеге хакимият органы составына урынбасар, секретарь һәм советның 9 әгъзасы кергән: Латыйпов Ярулла, Сәмигуллин Баһау, Җамалетдинов Мингалим, Залакова Әминә һәм башкалар (Татарстан Республикасы Милли архивы, Р-2027 фонды, 3 нче язма, 9 нчы эш; 13 нче язма, 15 нче эш кергән).
    Сугыштан соңгы фотода: 50-70 елларда Тат. Волчья авылының элеккеге партия һәм хуҗалык җитәкчесе - Габбас Рамазанов (1925-1981).

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: