Яңа Чишмә районында «Архангельское» КФХ коллективының көйле эшләве яхшы нәтиҗәләргә китерә

КФХ башлыгы Татьяна Белоглазова тулысынча хуҗалык терлекчеләре коллективына таяна: монда яңа кешеләр дә, битарафлар да юк, һәркем үз урынында үз эшенең нәтиҗәлелеге өчен җан ата.

Ветеринария табибы, зоотехник Алексей Кучинский хуҗалыкның ашату, саву, селекция һәм җитештерү буенча яңа технологик ысуллар уйлап табучы компанияләр белән тыгыз хезмәттәшлек итүе, әкренләп кенә сөтне арттыру һәм сыйфатын яхшырту максатына таба баруы турында сөйли. Хәзер заманча технологияләр ярдәмендә быел савым 1 тонна 400 килограммга арткан, ә бозауларның сакланышы 95% тәшкил итә.

Бу фермер хуҗалыгында ясалма орлыкландыру мәҗбүри чара булып тора. Әлеге чараның нәтиҗәлелегендә технолог Светлана Барсукованың профессиональлеге зур роль уйный. Аның эш нәтиҗәсе-сыерларның һәм таналарның 100 процентка аталануы.

Хуҗалык планнарында сексацияләнгән орлыкны гына куллану, бу якын киләчәктә сөт токымлы таналарны гына үрчетергә мөмкинлек бирәчәк. Мондый сыерлардан тәүлегенә 28 литрдан да ким булмаган сыйфатлы (майлылыгы, аксым) сөт саву көтелә.

Бозау караучылар Наталья һәм Татьяна Мельниковаларның бүгенге көндә 100 бозавы бар, әмма бу әле чик түгел, бозаулауның иң кызган чагы-туганнан алып ике айга кадәр 120 баш бозау җыела. Читлекләрдә чиста, улаклар төрле азык белән тутырылган, сөт эчертү график буенча бара.

Сыерларны бозаулату бүлеге савымчысы Ольга Ветрова савымны арттыруга җаваплы карый.

- Бозаулагач та беренче көннән сыерларны тәүлегенә ике тапкыр савалар. Өч тапкыр саву нәтиҗәле түгел дип санала, чөнки ике тапкыр савуга күчкәч, сөт кискен югала, - ди ферма мөдире, Дмитрий Макаров, һәрберсенең үз төркеме – сыерлар саны 50дән дә ким түгел, барысының да эш стажы югары: Татьяна Любимованың – 30 елга якын, Валентина Поварницына – 23 ел , Ольга Барсукова - фермада гомуми стажы 37 ел, Наталья Павлюк - 19 ел бозау караучы, өченче ел сыер савучы булып эшли, Любовь Любимова - 19 ел, Людмила Закирова һәм башка савымчылар – үз эшләренең осталары, бу көннәрдә сыерлардан тәүлегенә 5,5 тонна сөт савалар.