Яңа Чишмә районының алдынгы комбайнчыларына премияләр һәм кызыл әләмнәр тапшырылды

admin, 5 август 2020 - 09:10

392

Комбайннарның беренче төркемендә «Закрома» ҖЧҖдән Владимир Гарев җиңүче булган, ул үзенең ярдәмчесе – улы Максим белән Акрос-580 комбайнында 9 көн эшләү дәверендә 528 тонна икмәк суктырган.

Яңа Чишмә районының алдынгы комбайнчыларына премияләр һәм кызыл әләмнәр тапшырылды

Комбайннарның икенче төркемендә «Закрома» ҖЧҖдән Алексей КОЗЛОВ атна лидеры дип танылды. Ул ярдәмчесе-кызы Татьяна белән Нью-Холланд комбайнында 7 көн эшләү дәверендә 287 тонна ашлык суктырган.

Шул ук хуҗалыктан Александр КОЧЕТОВ комбайннарның өченче төркемендә атна җиңүчесе булды. Алар ярдәмчесе Павел Семенов белән Мега-360 комбайнында 8 көндә 430 тонна ашлык суктырганнар.

Ә комбайннарның дүртенче төркемендә атна лидеры дип «Зубов А.В.» КФХдан Алексей ЗАХАРОВ танылды. Ул СК-5 «Нива» комбайнында урып-җыю башланганнан бирле (дөресрәге 5 көн эчендә) 182 тонна ашлык суктырган.

Машина йөртүчеләр арасында иң яхшы күрсәткечләр «Закрома» ҖЧҖдән Александр ПАРФЕНОВта, ул МАЗ а/м-да урып-җыю башланганнан бирле ындыр табагына комбайннардан 993 тонна ашлык ташыган.

Атна йомгаклары буенча югары күрсәткечләр өчен комбайнчыларга кызыл әләмнәр һәм 4 мең сум күләмендә акчалата премияләр, аларның ярдәмчеләренә – 1әр мең сум, ә алдынгы шоферга 2 мең сум акча тапшырылды.

Атна алдынгыларына кызыл әләмнәр һәм акчалата премияләрне район башлыгы Вячеслав Козлов һәм район авыл хуҗалыгы идарәсе начальнигы Леонид Богомоловлар тапшырды.