Яңа Чишмә РҮХнең автопаркы яңа "Ашыгыч ярдәм" машинасы белән тулыланды

 26 февральдә Яңа Чишмә районы хакимият бинасы болдырына яңа “Ашыгыч ярдәм” машинасы килеп туктады. Бу көнне, 26 февральдә, монда медсовет утырышы бара иде.  Утырыш барышында Татарстан Республикасы Сәламәтлек саклау министры урынбасары Илдар Фатыйхов һәм район башлыгы Вячеслав Козлов «Ашыгыч ярдәм» хезмәтенең өлкән фельдшеры Энҗе Сафиуллинага әлеге автомобиль ачкычын тапшырдылар.
Өлкән фельдшер билгеләп үткәнчә, автопаркта бу автомобиль инде дүртенче, ул чакыру алганнан соң бригаданың чакыру урынына кичекмәстән килүен тәэмин итәчәк.