Яңа Чишмә РМЙда «Ватанны саклаучылар - илебезнең тугры уллары» дигән бәйрәм концерты булып узган

Районның барлык хатын-кызлары исеменнән ир-атларны Яңа Чишмә районы башлыгы урынбасары, район хатын-кызлар советы рәисе Надежда Попкова котлаган.

Концерт «Архангел чибәре» ансамбле һәм «Зажигай» төркеменең бергә башкарган «Ир-атлар өчен» җыры һәм «Шешминка» ансамбленең ритмик  биюе белән ачылган.  Әлеге чыгышлар тамашачыларның күңеленә хуш килгән һәм концерт дәвамында алар һәр номерны да кайнар алкышларга күмгәннәр.