Яңа Чишмәдә су чыганагының шифалы үзлекләре бар

Әмма бу мәсьәләне бөтенләй икенче яклап хәл итәргә булалар – чөнки күкертле водород исе булган күп кенә су чыганакларының шифалы үзлеккә ия булуы мәгълүм. Әлеге суга тулы анализ ясарга булалар һәм һәм ул, чыннан да, файдалы булып чыккан.
Экспертизаны «Минресурскурорт» учреждениесе үткәргән. Физик-химик һәм радиологик сынаулардан соң бу суның табигый шифалы дәвалау – эчә торган сулар («Шифалы су» төркемчәсе) рәтенә керүе турында нәтиҗә ясалган.
Экспертлар бәяләмәсе буенча әлеге су эчәргә яраклы дип танылган, шулай ук табигый минераль шифалы дәвалау – эчә торган су сыйфатында сәнәгый агызуда (промышленный разлив) нигез булып тора.
Суны эчәр өчен куллануда медицина күрсәткечләре:
- үңәч авырулары;
- эчәк авырулары;
- хроник гастритлар, ашказаны җәрәхәте, унике илле эчәк авырулары;
- бавыр, үт куыгы, ашказаны асты бизе авырулары;
- сидек юллары авырулары;
- операциядән соң ашкайнату органнары бозылудан;
- матдәләр алмашы авырулары (симерү, шикәр авыруы).
Су югарыда күрсәтелгән авырулар көчәю фазасыннан тыш кулланыла ала.
Район башлыгы Вячеслав Козлов киләсе елга су чыганагы территориясен төзекләндерүне планлаштырырга һәм керү юллары ясарга кушты.
Газета укучыларыбыз игътибарын шуңа юнәлтәбез, бу бүген үк бу суны җыеп, үз-үзеңне дәвалый башларга ярый дигән сүз түгел. Су башта чистарту, минераллаштыру һәм агызуны узарга тиеш. Ярамау ихтималы бар, шуңа да белгеч консультациясе дә кирәк.