Яңачишмәленең аучылык трофее – Голландиядә балдак тагылган каз

Су кошларына язгы ау чоры дәвам итә. 23 апрельдә ау вакытында Алексей Михайлов Шахмай авылыннан ерак түгел 3 килограммнан артык авырлыктагы кыргый казны аткан.

Каз кыйммәтле трофей булып чыккан – аның тәпиенә балдак тагылган. Анда кошның тәпиенә балдак Голландиядә тагылган дип язылган. Алексей Михайлов балдакны Мәскәүгә, кошларны балдаклау үзәгенә җибәрәчәк.

Казлар - күчмә кошлар, гадәттә Көнбатыш Европада, Англиядә кышлыйлар һәм төньякка миграция вакытында безнең төбәктә ял итү һәм туклану өчен туктыйлар.