«Спорт һәм юл хәрәкәте кагыйдәләре бәйрәме»

Педагогик коллектив оештырган чарада якын-тирәдәге балалар бакчаларыннан балалар һәм аларның әти-әниләре катнашты.

«Спорт бәйрәме һәм юл хәрәкәте кагыйдәләре» чарасында катнашучыларны һәм кунакларны сәламләп, «Ландыш» балалар бакчасы мөдире Наталья Ведякина: «Безнең автошәһәрчек кебек заманча мәйданчык балалар бакчасында тәрбияләнүчеләрдә юл хәрәкәте кагыйдәләрен һәм юл-транспорт һәлакәтләрен профилактикалау буенча куелган бурычларны тулысынча тормышка ашырырга тиеш. Безнең педагогик коллектив даими рәвештә автошәһәрчек территориясендә нәтиҗәле-файдалы дәресләр өчен балаларны һәм ата-аналарны җәлеп итүнең яңа формаларын таба», — дип билгеләп үтте. 

Спорт һәм ЮХК бәйрәмендә «Ландыш» балалар бакчасына йөрүче 92 бала һәм якындагы ике белем бирү учреждениесеннән — башлангыч мәктәп-балалар бакчасы һәм «Крепыш» балалар бакчасыннан 18 бала һәм өлкәннәр катнашты. 

Бәйрәмне яшь юл хәрәкәте инспекторлары ачып җибәрде, алар җәяүлеләр йөри торган юлда хәрәкәт итү кагыйдәләрен белүгә балалар бакчасы яныннан узып баручы шоферларны тикшерделәр, шулай ук җәяүлеләргә «зебра» буенча ничек хәрәкәт итәргә кирәклеген искәрттеләр. 

Чараны алып баручы тәрбияче Наталья Совкова «фиксик» Матвей белән балалар өчен берничә спорт эстафетасы үткәрде. 

«Ягодки» дип аталган әзерлек төркеме тәрбияләнүчеләре «Киләчәк транспорты» темасына үзләренең кул эшләнмәләрен тәкъдим иттеләр, инновацион техниканың ни өчен кирәк булачагы турында сөйләделәр. 

Чарада катнашучыларның барысында да «Крепыш» балалар бакчасыннан ике гаилә автоэкипажының узышы аеруча кызыксыну уятты, алар автошәһәрчек буйлап хәрәкәт иткәндә югары тизлек кенә түгел, ә әтиләрнең һәм әниләрнең светофор сигналларына игътибар итеп, юл хәрәкәте кагыйдәләрен ныклы белүләрен дә күрсәттеләр. Чарада асфальтта рәсем ясау конкурсы, велоузыш, барлык балаларны берләштергән флешмоб та булды. 

Яңа дуслар белән аралашу саф һавада чәй өстәле артында дәвам итте.

«ЮХИ» ДБУ бүлекчәсе начальнигы Алина Филиппова балалар, велосипед һәм самокат хуҗалары белән кагыйдәләрне белү турында әңгәмә үткәрде, белешмәлекләр таратты һәм җиде гаиләгә дипломнар, истәлекле бүләкләр тапшырды, ә балалар бакчаларына кызыклы дидактик уеннар бүләк итте.