Архангел мәдәният йорты хезмәткәрләре мобилизацияләнгән кешенең гаиләсенә барып, сугышчы белән очрашканнар

Халыкара гаилә көнендә Архангел мәдәният йорты хезмәткәрләре мобилизацияләнгән кешенең гаиләсенә барып, сугышчы белән очрашканнар. Сөйләшү барышында хәрби үзенең төп теләге белән уртаклашкан - ул әти-әнисе белән күрешергә хыялланган. Аның үз якыннарына һәм дусларына сюрприз ясыйсы килгән, әмма ял бирү мәсъәләсе соңгы мизгелдә генә хәл ителгән.

Аның хәзерге тормыш кредосы: «Боерыкларны үтәргә һәм бер адым да артка чигенмәскә», «Үз тормышың үз кулыңда», «Туганнарың белән үткәргән вакытның кадерен белергә кирәк».

Мәдәният хезмәткәрләре Ватаныбызны саклаучыга сәламәтлек, иминлек һәм шулай ук исән-сау туган авылына - өенә кайтуын теләгәннәр.