Нәзирә Кашапова: «Сәламәт тормышка адым ясау авыр түгел»

- Проект кайчан эшли башлады һәм аны тормышка ашыру өчен бездә нәрсә эшләнә? - әлеге сорау белән «Яңа Чишмә хәбәрләре» яшьләр, спорт һәм туризм бүлеге начальнигы Нәзирә Кашаповага мөрәҗәгать итте.

– "Спорт - тормыш нормасы" федераль проекты 2019 елның гыйнварыннан эшли башлады һәм 5 елга исәпләнгән. Димәк, 2024 ел ахырына без проектка нәтиҗәләр ясарга тиеш, алар уңай булыр дип өметләнәм, ягъни аның төп бурычы - барлык категория халык өчен физик культура һәм спорт, массакүләм спорт белән шөгыльләнү өчен шартлар тудыру, шул исәптән халыкның спорт объектлары белән тәэмин ителеше дәрәҗәсен күтәрү, шулай ук спорт резервын әзерләү. Әлеге бурычны хәл итү өчен районда физкультура-спорт комплексы, йөзү бассейны бар инде, район авылларында да мәктәп территорияләрендә физик культура белән шөгыльләнү өчен объектлар бар. «Спорт-тормыш нормасы» проекты кысаларында Яңа Чишмәдәге «Олимп» спорт комплексы территориясендә куркынычсыз резин катламы булган ГТО мәйданчыгы эшләнгән. Хәзер анда тренажерлар һәм спорт җиһазлары  урнаштырылган. Болар барысы да ГТО комплексының аерым тестларына әзерләнү һәм халыкның гомумфизик күнегүләре өчен эшләнелгән. Шуңа күрә барыгызны да саф һавада физкультура белән шөгыльләнү өчен мәйданчыкка чакырабыз.
- Физик культура белән шөгыльләнү һәм массакүләм спортта катнашу мәсьәләсендә Яңа Чишмә халкы активлык күрсәтәме?
- Районда массакүләм спортны үстерүгә ГТО комплексын яңадан торгызу ярдәм итте. Электрон базада теркәлгән кешеләр саны бүген -653 кеше, нормативларны бик яхшы билгеләренә үтәүчеләр -140 кеше. Узган ел Яңа Чишмәнең олы яшьтәге кешеләре арасыннан «милләтләр кроссы» нда катнашучылар саны артты, алар 100 дән артык кеше, балалар тагын да күбрәк иде, ә «Россия чаңгы юлы» нда өлкәннәр дә, балалар да 1000 гә якын иде. Паркта уза торган «Яшел фитнес» проекты популярлаша бара.
- Әле физкультура белән шөгыльләнергә җөрьәт итмәгән яңачишмәлеләргә нәрсә тели аласыз?
- Сәламәт тормыш рәвеше алып баруга бер адым ясау авыр түгел. Спорт мәйданчыгына килегез, теләсә кайсы массакүләм ярышны карагыз һәм аларның үзегезгә нинди көч һәм энергия бирүләрен белерсез.  Шуны сизгән һәр кеше спортны һәм сәламәт тормыш рәвешен сайлаячак. Сез дә безгә кушылыгыз!
- Рәхмәт.

Сорауларны Лариса ФЕДОРОВА бирде.