Төп приз - Красный Октябрьгә

автор, 5 декабрь 2017 - 08:32

605

Безнең редакциядә Красный Октябрьдә яшәүче Анатолий Остолопов булып китте, аңа призлар уйнатып безнең газетага язылу ункөнлеге нәтиҗәләре буенча төп приз - өстәл-тумба алуга сертификат тапшырылды.

- Призлар уйнатылган көнне, 28 ноябрьдә, без катнаша алмадык, язылу турында квитанцияне генә җибәргән идек, - дип сөйләде Анатолий Петрович. - "ЯЧХ" - дә үзебезнең бүләк отуыбыз хакында укып белгәч, бик сөендек, рәхмәт сезгә.

Анатолий һәм Надежда Остолоповлар бүгенгесе көндә лаеклы ялда, гомерләре буена мәктәптә укытучы булып эшләгәннәр.

- "Яңа Чишмә хәбәрләрен" 1984 елдан бирле яздырып алабыз, аны гаиләбез белән укыйбыз, газета бик кызыклы, безгә ошый, - диде Анатолий Остолопов һәм приз алу өчен "Домой" җиһаз кибетенә китте.

Азат МУСИН