Бар кешегә дә эш җитәрлек

 Тәҗрибәле биш сыер савучы Татьяна Сальцына, Надежда Абрамова, Марина Фокеева, Розалия Фәхретдинова һәм Елена Нестерова эшне тиешенчә башкаралар. Аларның сыерлары һәрвакыт чиста, каралган. Сыерлар вакытында орлыкландырыла. Бу эштә хуҗалыкта орлыкландыручы Рәхимә Хәертдинова яхшы гына эшли.
Бозаулар абзарында 187 бозау үсә, аларның саны көннән-көн арта бара.  Бозау караучылар Татьяна Ворожеина һәм Анна Федоровна Кузнецова бозауларны методика буенча эчертәләр һәм тәрбиялиләр, соңгысы, пенсия яшендә булуына карамастан, ял итәргә теләми. КФХ башлыгы Александр Зубовтан: «Миңа теләсә нинди эш бир, өйдә утыра алмыйм мин!» - ди. Аның улы Александр Кузнецов та КФХда күптән эшли. Хуҗалыкта барлыгы 20 кеше хезмәт куя, аларның күбесен универсаллар дип атарга мөмкин, чөнки аларга төрле эшләр башкарырга туры килә.  
Машина йөртүчеләр, механизаторлар, токарьлар һәм эретеп ябыштыручылар иртәдән терлекчелек фермасына баралар: монда ир-атлардан башка берничек тә булмый. Терлек азыгын ташып, төшкә кадәр савып бетергәч, гаражга китәләр.
- Тиздән язгы кыр эшләре башлана һәм чәчү техникасын ремонтлауны тәмамларга кирәк, - диләр Андрей холин һәм Алексей Захаров. Стажы буенча да, яше буенча да иң өлкәне – тракторчы Александр Евграфов. Ә кечкенәләре-аның улы Сергей Евграфов һәм Влад Поляков.  
Барлык хезмәткәрләр дә намуслы һәм җаваплы, - хуҗалык башлыгының коллектив белән проблемасы юк. Эшчеләр дә канәгать: хезмәт хакы вакытында бирелә, өстәвенә, кирәк булганда, аңа шәхси көнкүреш проблемаларын хәл итүдә дә ярдәм сорап мөрәҗәгать итәргә була.
- Бу фотода ир-атлар силос исе сеңдергән һәм фураж тузаны белән капланган киемдә (башкача сез аларны эштә күрмәссез), ә көннең икенче яртысында алар майланып беткән спецовкаларда гаражда мәш киләләр - авыл хуҗалыгы эше шул инде ул, - дип шәрехли хуҗалык башлыгы Александр Зубов.
"Зубов» КФХ хезмәткәрләренең башка фотоларын газетабызның сайтында күрергә мөмкин.
         Лариса ФЕДОРОВА